web counter
LEXO PA REKLAMA!

SHKARKO APP

App Store
Google Play

E fundit!

x

Ndarja nga jeta e Nanos/ Familja e Hashim Thaçit mesazh ngushëllimi: Përkrahja e tij për çështjen e Kosovës, historike

1 Nëntor 2025, 17:50, Aktualitet CNA

Ndarja nga jeta e Nanos/ Familja e Hashim Thaçit mesazh ngushëllimi:

Familja e ish-presidentit të Kosovës, Hashim Thaçit ka reaguar për ndarjen nga jeta të ish-kryeministrit shqiptar, Fatos Nano. Përmes një telegrami familja Thaçi, në emër dhe të ish-presidentit të Kosovës, i kanë shprehur ngushëllime familjes së ish-kryeministrit Nano.

Në reagim thuhet se Fatos Nano i përket gjeneratës së liderëve që transformuan politikën shqiptare në kthesat historike nga sistemi monist në një shoqëri demokratike pluraliste.

Gjithashtu, theksohet se përkrahja që Nano i dha çështjes së Kosovës në periudhën e paraluftës dhe luftës së viteve 1998–1999 është historike.

Mesazhi i plotë:

E nderuar Familje Nano,

Me pikëllim të thellë morëm lajmin për ndarjen nga jeta të ish-kryeministrit të Shqipërisë, Fatos Nano.

Në këto ditë dhimbjeje, në emër të Familjes Thaçi dhe të ish-kryeministrit dhe ish-presidentit të Kosovës, Hashim Thaçi, ju shprehim ngushëllimet më të sinqerta juve, përfaqësuesve të institucioneve të shtetit shqiptar dhe miqve të z. Nano.

Fatos Nano i përket gjeneratës së liderëve që me sukses transformuan politikën shqiptare në kthesat historike nga sistemi monist në një shoqëri demokratike pluraliste. Me shpirtin reformator, tolerancën dhe kulturën politike moderne, ai dha shembullin e një lideri të pjekur, duke i hapur udhë brezit të ri politik.

Përkrahja që z. Nano i dha çështjes së Kosovës në periudhën e paraluftës dhe luftës së viteve 1998–1999 është historike dhe kontributi i tij mbetet një trashëgimi e çmuar e vlerave tona kombëtare.

Kujtimi për ish-kryeministrin shqiptar, Fatos Nano, do të mbetet gjithmonë i përjetshëm.

Me respekt të thellë,

Familja Thaçi. /CNA





Lajmet e fundit nga