web counter
LEXO PA REKLAMA!

SHKARKO APP

App Store
Google Play

E fundit!

x

Ndarja nga jeta e Nanos/ Ngjela: Solli botëkuptimin perëndimor në politikën shqiptare

31 Tetor 2025, 22:39, Aktualitet CNA

Ndarja nga jeta e Nanos/ Ngjela: Solli botëkuptimin perëndimor në

Avokati Spartak Ngjela ka ndarë pasditen e sotme një mesazh pas ndarjes nga jeta të ish-kryeminstrit Fatos Nano.

Përmes një postimi në rrjetet sociale, Ngjela thekson se Nano ishte një kryeministër që solli në jetën politike shqiptare botëkuptimin e vërtetë demokratik dhe europiano-perëndimor.

“Sot u nda nga jeta kryeministri Fatos Nano.

Një humbje e madhe është kjo për familjen, por edhe për shoqërinë shqiptare.

Fatos Nano ka qenë kryeministri i parë me vizion të plotë demokratik pasi u vendos rendi demokratik në Shqipëri.

Fatos Nano ishte një kryeministër që solli në jetën politike shqiptare botëkuptimin e vërtetë demokrarik dhe evropiano-perëndimor njëherësh.

I qetë dhe një person që i ka dhënë shumë cilësi shoqërisë shqiptare që nga viti 1991 e deri në ditët e sotme.

Krijuesi elokuent i Partisë Socisliste.

Ai ka qenë kryeministri shqiptar që i dha atdheut të vet modelin unik të kryeministrit të një vendi evropiane me prirje perëndimore.

E burgosën në vitin 1993 si kundërshtar politik pa asnjë provë.

Por doli nga burgu në vitin 1997 si kryeministër i Republikës së Shqipërisë, dhe nuk krijojë asnjë ndjenjë hakmarrjeje për burgun e paligjshëm që ai kishte kryer.

Intelektual i nivelit të lartë, humanist dhe qytetar brilant, i lindur dhe i rritur në Tiranë, në kryeqytetin e Shqipërisë.

Gjakftohtë dhe humanist.

Intelektual elokuent në disa gjuhë perëndimore, dhe bashkëpunues me një ndjenjë thjeshtësie të lartë në Kuvendin e Shqipërisë, edhe atëherë kur ai ishte si kryetar një maxhorance absolute.

Fatos Nano ka vlerën e tij të lartë në të gjithë ndërtimin e shtetit demokratik në Shqipëri, dhe në të gjitha reformat e mëdha që u kryen këtu, dhe në të gjitha aspektet: politike, humaniste, shtetërore - dhe gjithmonë me një ndjenjë të intelektualizmit të lartë.

Fatos Nano deri tani është kryeministri i Shqipërisë më i barabartë dhe më i pranueshëm në Bashkimin Evropian, si një personalitet që ka nderuar Republikën e Shqipërisë në Bashkimin Evropian, në OKB, dhe në të gjitha organizmat ndërkombëtare, ku ai u paraqit si kryeministër i Republikës së Shqipërisë.

Fatos Nano, deri tani, është i vetmi kryeministër shqiptare me prirje perëndimore dhe i iluminuar brenda qytetërimit Evropian, që, me një elokuencë të lartë, ai dha dorëheqjen si Kryetar i Partisë Socialiste menjëherë pas humbjes së Partisë Socisliste në zgjedhjet e vitit 2005.

Por, si disa herë kryeministër, ai i dha Shqipërisë modelin perëndimor dhe atë të Bashkimit Evropian, dhe, pikërisht për këtë, ai ka hyrë me lavdi dhe sukses të veçantë në historinë e Shqipërisë.

I përjetshëm do të jetë kujtimi i kryeministrit Fatos Nano, si një figurë e ndritur në Historinë e Shqipërisë”,-shkruan Ngjela./CNA

 





Lajmet e fundit nga