E fundit!

16:50 Aktualitet

Siguroi kushtet për të kryer vrasjen e Hajrullës dhe Matodashajt/ GJKKO shpall dënimin për Erio Zejnon

Gjykata e Posaçme ka dënuar me 7.4 vjet burg Erio Zejnon, ...

Mosvendimi i Kushtetueses/ Rama: Kufiri ndarës mes pushteteve, gardh me një vrimë ku hyjnë e dalin qentë dhe minjtë

16 Shkurt 2026, 09:33, Aktualitet CNA

Mosvendimi i Kushtetueses/ Rama: Kufiri ndarës mes pushteteve, gardh me

Kryeministri Edi Rama, në mbledhjen e grupit parlamentar të Partisë Socialiste të Shqipërisë, theksoi se vendimet e qeverisë janë sovrane dhe nuk mund të ndërhyhet nga Gjyqësori apo prokurorët, për sa kohë ato burojnë nga qëllime të shpallura.

Ai sqaroi se nuk ka ndodhur që një anëtar i kabinetit të pezullohet për procesin e drejtësisë dhe se vendimet merren mbi bazën e arsyeve politike dhe nevojave të brendshme për të ruajtur ekuilibrat politikë.

Kryeministri kujtoi se Kushtetuta e Shqipërisë njeh tri pushtete të pavarura: legjislativin, ekzekutivin dhe gjyqësorin, dhe se vetëm ky i fundit është i pavarur, por nuk mund të hyjë në vendimet e qeverisë.

Ai garantoi se PS do të vazhdojë të mbështesë pavarësinë e drejtësisë “derisa të bëhet e pakthyeshme”, duke ruajtur qartë kufijtë mes pushteteve dhe duke siguruar se vendimet e qeverisë nuk vendosen nga qëllime të fshehta.

“Nuk ka ndodhur që të jetë pezulluar një anëtar kabineti për procesin. Merret vendim në arsyet politike dhe nevojat e brendshme për të mbajtur ekuilibrat politikë. Edhe vendet më të zhvilluara se Shqipëria nuk kanë dhënë kurrë një vendim të vetëm që të jetë në anën e qeverisë.

Mosvendimi bën që çdonjëra nga ato figura që u përmendën në relacion të jetë vulnerabël ndaj pezullimit, kufiri ndarës mes pushteve të jetë si gardhet me një vrimë ku hyjnë e dalin qentë e minjtë dhe nuk mund ta lejojmë këtë dhe nuk ka lidhje fare me asnjë cenim të të drejtave të pavarësisë së drejtësisë. Do të vazhdojmë ta garantojmë ne pavarësinë derisa të bëhet e pakthyeshme.

Vendosja e këtij kufiri është i nevojshëm për të përcaktuar një ndarje tjetër që nuk ekziston në mendjen e gjithkujt, vetëm pushteti gjyqësor është i pavarur? Kushtetuta thotë ka tri pushtete të pavarura, përveç gjyqësorit janë legjislativi dhe ekzekutivi.

Ku gjyqësori nuk mund ta imagjinojë se mund të hyjë në territorin tonë.

Jemi të pavarur në të drejtën tonë për të marrë vendime, të cilat janë sovrane. Nuk ka prokuror e gjykatës që t’i vendosë në diskutime sa kohë janë vendimet të cilat nuk burojnë nga qëllime të pashpallura. Ai pushtet i pavarur prej nesh është për të vigjiluar nëse vendimet tona janë vendime të cilat burojnë vetëm nga qëllimet e shpallura”, tha Rama.