web counter
LEXO PA REKLAMA!

SHKARKO APP

App Store
Google Play

E fundit!

x

Meloni mbërrin në aeroportin 'Nënë Tereza'/ Policia blindon rrugët

5 Qershor 2024, 11:31, Aktualitet CNA
Meloni mbërrin në aeroportin 'Nënë Tereza'/
Masat e policisë

Kryeministrja e Italisë, Giorgia Meloni ka mbërritur mëngjesin e së mërkurës, në aeroportin "Nënë Tereza" për të inspektuar qendrat e emigrantëve që po ndërtohen nga qeveria Italiane në territorin shqiptar.

Forca të shumta policie janë vendosur në rrugët do të kalojë kryeministrja italiane për të garantuar sigurinë dhe lëvizshmërinë e delegacionit të saj. 

Kryeministrja e Italisë, bashkë me kryeministrin shqiptar do të vizitojnë sot zonën e Gjadrit në Lezhë, që mbulon protokolli i bashkëpunimit Itali-Shqipëri për çështjet e migracionit.

Më pas në 12:00 në qendrën pritëse në Shëngjin do mbahet konferenca Rama-Meloni.

Sipas marrëveshjes porti i zbarkimit do të jetë Shëngjini, ku do të ngrihet qendra e parë që do të shërbejë për identifikimin dhe regjistrimin e refugjatëve, ndërsa Gjadri do të jetë kampi për vendqëndrimin e tyre në pritje të përgjigjeve për kërkesat e azilit.

Qendra pritëse do të ketë një kapacitet 3 mijë vende, ndërsa në përfundim të procedurave të vlerësimit autoritetet italiane do t’i largojnë me shpenzimet e tyre emigrantët nga territori shqiptar./CNA 





Lajmet e fundit nga