web counter
LEXO PA REKLAMA!

SHKARKO APP

App Store
Google Play

"Dëshmia ime përbën sekret shtetëror"/ Rrumbullaku dëshmon me dyer të mbyllura për TIMS-in

4 Qershor 2024, 19:40, Aktualitet CNA

Drejtori i Përgjithshëm i Policisë së Shtetit, Muhamet Rrumbullaku, ka shkuar të dëshmojë këtë të martë në Komisionin Hetimor për ndërhyrjet në systemin TIMS, i njohur ndryshe si Komisioni “Babale”.

Rrrumbullaku, në nisje të fjalës së tij tha se është i gatshëm të përgjigjet për çdo gjë, por theksoi se dëshmia e tij ka sekrete hetimore

Ai deklaroi se nëse mbledhja bëhet e hapur për mediat do të flasë vetëm për gjërat që nuk janë sekret.

“Nuk dua të kem mbrojtës ligjor, do dëshmoj vetëm. Kërkesa jonë mbështetet në ligjin për komisionet hetimore dhe i qëndroj që dëshmia ime përbën sekret shtetëror, për arsye që do i shpjegoj pas vendimit të këtij komisioni.

Ju kemi vënë në dispozicion materiale të paklasifikuara, por unë jam me shumë dokumente me vete, ligji për informacionin e klasifikuar përcakton 4 nivelet e informacionit hetimor.

Në të tre nivelet e tjera kërkohet pajisja me certifikatë respektive. Jam i hapur të jap shpjegime mbi sistemin TIMS se çfarë përfshin. Flitet parimisht sistemi TIMS. Unë nuk mund ta shkel në asnjë rast tagrin se çfarë përfshin dhe për çfarë shërben”, theksoi drejtori i Policisë së Shtetit.

Pas diskutimeve, u vendos me votim që mbledhja të zhvillohet me dyer të mbyllura./ CNA





Lajmet e fundit nga