web counter
LEXO PA REKLAMA!

SHKARKO APP

App Store
Google Play

E fundit!

x

ISP: SPAK ka goditur grupe kriminale me influencë në jetën ekonomike dhe politike të vendit

5 Qershor 2024, 10:09, Aktualitet CNA
ISP: SPAK ka goditur grupe kriminale me influencë në jetën
Foto ilustruese

Instituti i Studimeve Politike në një raport monitorimi mbi zhvillimet si dhe ligjërimin publik dhe politik mbi dekriminalizimin, thekson se SPAK dhe stuktura të tjera anti-korrupsion edhe pse me burime të kufizuara njerëzore dhe financiare, kanë goditur grupe kriminale me influencë në jetën ekonomike dhe politike të vendit. 

ISP nënvizon se si rrallë herë në historinë e Shqipërisë, ish-presidentë dhe ish-kryeministra janë proceduar apo po hetohen nga SPAK për përfshirje në korrupsion.

"Si rrallë herë në historinë post-komuniste të Shqipërisë, ish-presidentë dhe ish-kryeministra janë proceduar apo po hetohen nga SPAK për përfshirje në korrupsion. Një ish-ministër është referuar në GJKKO për gjykim, kryebashkiaku i Kuçovës, Rrogozhinës, Tiranës, Roskovecit, Himarës, Matit, Durrësit, etj, janë nën hetime zyrtare ose në proces vlerësimi nga SPAK, drejtues dhe ish-drejtues në Bashkinë Tiranë, agjencitë shtetërore, Policinë e Shtetit, Bankës së Shqipërisë, prokurorë dhe gjyqtarë janë proceduar për vepra korruptive apo shkelje të tjera ligjore. Edhe pse me burime të kufizuara njerëzore dhe financiare, strukturat anti-korrupsion dhe kundër krimit të organizuar kanë goditur grupe kriminale me influencë në jetën ekonomike dhe politike të vendit. Janë arrestuar apo shpallur në kërkim individë të krimit të organizuar dhe janë konfiskuar pasuri të paligjshme duke goditur infrastruktura kriminale në vend. Disa grupe kriminale u goditën duke arrestuar dhe shpallur në kërkim dhjetëra drejtues dhe anëtarë, ndërsa hetimet nxorën në dritë lidhjet e ngushta të tre ish-deputetëve me krimin e organizuar", thuhet në raport./CNA 

 

 





Lajmet e fundit nga