web counter
LEXO PA REKLAMA!

SHKARKO APP

App Store
Google Play

E fundit!

x

“Jam në hetim pasuror”/ Kryemadhi: Atë “nuk më rruhet” s’e kisha për SPAK-un

5 Qershor 2024, 10:19, Aktualitet CNA
“Jam në hetim pasuror”/ Kryemadhi: Atë “nuk më
Monika Kryemadhi

Deputetja e Partisë së Lirisë, Monika Kryemadhi ka deklaruar se është në hetim pasuror. Kryemadhi theksoi se në një farë mënyre po i bëhet vetting dhe secili nga familjarët e saj duhet të justifikojë pronat.

Më tej Kryemadhi ka sqaruar dhe deklaratën që bëri bujë ku u shpreh në KDK “Nuk më rruhet as për SPAK-un dhe as për burgun”.

Gjatë një interviste televizive, Kryemadhi tha se shprehja nuk ishte për SPAK-un, por për llafazanët që flasin në emër të SPAK.

Ajo bëri me dije se nuk intimidohet, nuk kërcënohet dhe as nuk merren peng.

“Është perceptim i sponsorizuar. Për hir të së vërtetës, ajo shprehja: Po, jo, nuk më… Ajo shprehje në KDK, nuk ishte për SPAK, ishte për llafazanët që flisnin në emër të SPAK dhe në këtë këndvështrim unë kam një eksperiencë, që nuk intimidohem, as nuk kërcënohem, as nuk merren peng, për shkak të karakterit.

Më 24 janar kemi 30 vjet bashkë. E urova, por nuk më ktheu përgjigje. I kemi mesazhet me fshirje, sepse kur është instaluar, është me fshirje.

Është një perceptim i sponsorizuar. Unë e kam analizuar, por të gjitha thashethemet që sponsorizohen për mua dhe Metën, dhe ndahen në media, kanë ardhur me origjinë nga Bashkia e Tiranës.

Të gjitha deklaratat për arrestimin e Metës edhe Kryemadhit për mua kanë një origjinë, që vijnë nga Bashkia e Tiranës. Ju e dini se gjysma e deputetëve janë në SPAK për hetim pasuror si puna ime. Jam në hetim pasuror.

Mamaja dhe vëllai im nuk kanë fituar asnjë para publike nga Inceneratorët. Po na bëjnë vetting në një farë mënyre. Secili nga na duhet të justifikojë pronat. Monika Kryemadhi nga viti 1992 ka jetuar me paratë që kanë ardhur nga familja dhe puna e saj”, tha ajo./ CNA





Lajmet e fundit nga