web counter
LEXO PA REKLAMA!

SHKARKO APP

App Store
Google Play

E fundit!

x

“Kuvend kombëtar qytetar me 300 anëtarë”/ Çfarë paralajmërojnë protestuesit?

27 Qershor 2026, 21:35, Aktualitet CNA

“Kuvend kombëtar qytetar me 300 anëtarë”/

Një nga protestuesit në tubimin para Kryeministrisë ka njoftuar ngritjen e një Kuvendi Kombëtar qytetar. Protestuesi u shpreh se po punohet për ta bërë këtë dhe se numri i anëtarëve të këtij Kuvendi do të jetë jo më pak se 300.

Ai shtoi se këta anëtarë duhet të marrin pëlqimin e qytetarëve në protestë. Ndër të tjera bëri thirrje për mosdorëzim dhe vijim të protestës.

“Gjatë protestës kam folur për ngritjen e një Kuvendi Kombëtar qytetar. Kam marrë pëlqimin e një pjesë të madhe të qytetarëve këtu në shesh.

Kam diskutuar dhe me grupin koordinues të protestës dhe i jemi future punës për ta bërë këtë. Janë mbledhur rreth 500 kandidatë potencialë. Në çastin që këta njerëz do të përzgjidhen do të jenë jo më pak se 300. Një përfaqësi shumë e gjerë që do tëpërfaqësojë të gjitha segmentet e protestës. Do të vijnë këtu përpara popullit dhe secili do të duhet të marrë miratimin nga populli.

Nuk do të ketë asnjë të zgjedhur nga vetvetja ose nga grupe të vogla. Do të zgjidhen vetëm nga protestuesit. Protesta është e fuqishme dhe do të vazhdojë deri në rrëzimin e kësaj qeverie”, u shpreh qytetari. /CNA





Lajmet e fundit nga