web counter
LEXO PA REKLAMA!

SHKARKO APP

App Store
Google Play

Eurodeputetja italiane në protestën para Kryeministrisë: Këtu po bëhet historia

27 Qershor 2026, 20:29, Aktualitet CNA

Në protestën e sotme para Kryeministrisë ka marrë pjesë edhe eurodeputetja italiane, Ilaria Salis. Ajo mbajti një fjalim në podiumin e improvizuar, ku vlerësoi protestat e zhvilluara në Tiranë prej më shumë se tre javësh.

Sipas eurodeputetes, ajo që po bëjnë shqiptarët duhet të jetë shembull për të gjithë popujt që të marrin në dorë fatet e tyre.

“Është një nder i madh dhe lumturi që ndodhem sot këtu. Evropa nuk është në Bruksel, Evropa është këtu. Kjo është Evropa më e mirë, sepse populli, me trupin, inteligjencën, dëshirat dhe ëndrrat, i vendosur për të ardhmen, po ngrihet në këmbë. Sot toka dhe bukuritë natyrore të Shqipërisë nuk janë për t’u shitur te shitësi më i mirë. Ishulli i Sazanit dhe Laguna e Nartës duhet të qëndrojnë të mbrojtura për të gjithë brezat e ardhshëm. Ky është një model që duhet kundërshtuar, pasi bazohet mbi interesa dhe përfitime të më të fuqishmëve. Ajo që po bëjnë sot shqiptarët në këtë shesh është shumë e rëndësishme, sepse këtu po bëhet historia. Po hapet rruga për të gjithë popujt me trimëri, dinjitet dhe veprim kolektiv. Një shembull që na tregon se duhet të marrim në dorë fatet tona. Shqipëria nuk është në shitje. Evropa nuk është në shitje. Bota nuk është në shitje”, u shpreh eurodeputetja Salis. /CNA





Lajmet e fundit nga