web counter
LEXO PA REKLAMA!

SHKARKO APP

App Store
Google Play

I moshuari në Pogradec dhunon bashkëshorten/ Gruaja niset me helikopter drejt spitalit të Traumës

27 Qershor 2026, 17:43, Aktualitet CNA

Një ngjarje e rëndë raportohet se ka ndodhur ditën e sotme në Pogradec, në lagjen nr.1 të qytetit.

Sipas informacioneve, një konflikt çasti midis dy të moshuarve ka degraduar në përdorimin e sendeve të forta, dyshohet shkop druri, ku një 78-vjeçar ka rrahur bashkëshorten e tij, 69-vjeçe.

Kjo e fundit ka marrë dëmtime të rënda dhe ndodhet në spitalin e Pogradecit, por sipas uniformave të bardha, e moshuara do të niset me helikopter drejt spitalit të Traumës për mjekim të specializuar, pasi ka marrë dëmtime në kokë.

Policia ndodhet në vendngjarje, autori është shoqëruar në komisariat ndërsa do të vijojnë hetimet e mëtejshme për zbardhjen e rrethanave. 

Njoftimi i policisë: 

Pogradec / Informacion paraprak

Rreth orës 16:10, në lagjen nr. 1, Pogradec, shtetasi M. Sh., 78 vjeç, dyshohet se, gjatë një konflikti në banesë, ka goditur në kokë, me një shkop druri, bashkëshorten e tij, shtetasen Sh. Sh., 69 vjeçe, e cila është dërguar në spital për ndihmë mjekësore, në gjendje të rëndë.

78-vjeçari është shoqëruar në Komisariatin e Policisë Pogradec dhe po kryhen veprimet procedurale.

Grupi hetimor, nën drejtimin e Prokurorisë, po vijon punën për zbardhjen e plotë të rrethanave të ngjarjes. /CNA





Lajmet e fundit nga