web counter
LEXO PA REKLAMA!

SHKARKO APP

App Store
Google Play

E fundit!

x

“Kupa e Shqipërisë Korçë 2023”, ndalohet qarkullimi i mjeteve në disa akse rrugore

21 Gusht 2023, 12:44, Aktualitet CNA

“Kupa e Shqipërisë Korçë 2023”, ndalohet

Policia e Korçës ka bërë me dije planin e masave për garantimin e mbarëvajtjes së aktivitetit çiklistik “Kupa e Shqipërisë Korçë 2023”.

Si rezultat i mbarëvajtjes së këtij aktiviteti:

-Më datë 21 gusht ora 16:00 do të jenë të bllokuara këto segmente rrugore, përkatësisht fshati Piskupat, Pogradec-Unazë e Madhe, Pogradec-Bilisht-Korçë

-Më datë 22 gusht ora 10:00 do të jenë të bllokuara këto segmente rrugore, përkatësisht qyteti i Korçës-Maliq-Drithas-Plasë-Korçë. 

Njoftimi i policisë: 

Në datat 21.08.2023 dhe 22.08.2023, Federata Shqiptare e Çiklizmit, në bashkëpunim me Ministrinë e Arsimit dhe Sportit, Komitetin Olimpik Kombëtar Shqiptar dhe bashkitë e qarkut Korçë, do të zhvillojnë në territorin e qarkut, aktivitetin çiklistik “Kupa e Shqipërisë Korçë 2023”, me pjesëmarrjen e kategorive (grupmoshave) të ndryshme.

Për mbarëvajtjen e këtij aktiviteti, strukturat e Policisë do të marrin masa, me qëllim rritjen e parametrave të sigurisë rrugore, sigurimin e qarkullimit të lirë dhe pa rreziqe për garuesit, si dhe parandalimin e ngjarjeve rrugore. Për këtë qëllim, ju informojmë si më poshtë:  

Etapa e parë starton ditën e hënë më datë 21.08.2023, ora 16:00/ Itinerari: fshati Piskupat, Pogradec-Unazë e Madhe, Pogradec-Bilisht-Korçë;  

Etapa e dytë starton ditën e martë, më datë 22.08.2023, ora 10:00/ Itinerari: qyteti i Korçës-Maliq-Drithas-Plasë-Korçë. 

Policia e Korçës kërkon mirëkuptimin e përdoruesve të rrugës, për ndalimin e qarkullimit të mjeteve, në akset rrugore të lartpërmendura, nga momenti i fillimit të këtij aktiviteti (sipas orarit të paracaktuar) deri në përfundim të tij./ CNA





Lajmet e fundit nga