web counter
LEXO PA REKLAMA!

SHKARKO APP

App Store
Google Play

Kryepiskopi Anastas në gjendje kritike/ Imzot Joani dhe Imzot Nathanaili, vizitë në spital

21 Janar 2025, 15:04, Aktualitet CNA

Kryepiskopi Anastas në gjendje kritike/ Imzot Joani dhe Imzot Nathanaili,

Mitropoliti i Korçës Imzot Joani dhe i Amantias Imzot Nathanaili, kryen sot vizitë në Spitalin “Evangjelizmos” ku prej datës 3 janar 2025 kurohet në gjendje kritike Kryepiskopi i Tiranës, Durrësit dhe Gjithë Shqipërisë, Imzot Anastasi.

Mitropolitët e Kishës sonë u takuan me Profesoren e Pneumonologjisë dhe Drejtore e Njësisë Terapisë Intensive të atij Spitali znj. Anastasia Kotanidhu për të shprehur interesimin e Sinodit të Shenjtë të Kishës sonë Orthodhokse Autoqefale të Shqipërisë dhe në emër të gjithë komunitetit Orthodhoks falenderimet dhe mirënjohjen për gjithë kujdesin dhe dashurinë e treguar për Kryepiskopin Anastas.

Njëherësh përcollën lutjet e gjithë grigjës në mbarë Kishën tonë për Kryepiskopin, por edhe mbështetjen e stafit mjekësor që me integritet dhe profesionalizëm vazhdojnë përpjekjet për rehabilitimin e shëndetit të tij, pavarësisht faktorëve rëndues.

Të dy Mitropolitët u takuan në Spital edhe me Episkopin e Krujës Imzot Anastasin dhe klerikët Protopresviterë Harallambin dhe Spiridhon, që shoqërojnë Kryepiskopin duke u shprehur atyre solidaritet shpirtëror.

Me rastin e qëndrimit në Athinë Kryepriftërinjtë e Kishës sonë kryen vizitë edhe tek Kryepiskopi i Athinës dhe Gjithë Greqisë, Imzot Jeronimi, i cili që në ditët e para vizitoi në Spital Kryepiskopin Anastas, ndjek në vazhdimësi ecurinë e shëndetit të tij dhe dashurinë e shprehur përmes lutjeve në mbarë Kishën motër të Greqisë./ CNA





Lajmet e fundit nga