web counter
LEXO PA REKLAMA!

SHKARKO APP

App Store
Google Play

Shantazhonte dhe fyente në “TikTok”/ 35-vjeçari shpallet në kërkim

21 Janar 2025, 12:24, Aktualitet CNA

Shantazhonte dhe fyente në “TikTok”/ 35-vjeçari shpallet

F. D., nga Shkodra, është shpallur në kërkim pas hetimeve nga Specialistët e Seksionit për Hetimin e Krimeve Kibernetike. Shkak është bërë denoncimi i një 33-vjeçareje nga Lezha, se ky shtetas ka hapur një llogari në “TikTok”, nëpërmjet së cilës fyen atë dhe familjarë të saj.

Menjëherë pas kallëzimit “blutë” e Lezhës u vunë në lëvizje duke bërë të mundur identifikimin e personit në fjalë. Ai është shtetasi F. D., banues në Shkodër, dhe policia po punon për lokalizimin dhe kapjen e 35-vjeçarit, si dhe për verifikimin e këtij kallëzimi.

Materialet procedurale në lidhje me rastin i kaluan Prokurorisë pranë Gjykatës së Shkallës së Parë të Juridiksionit të Përgjithshëm Lezhë, për veprime të mëtejshme.

Sipas burimeve, shtetasi në fjalë ushtronte shantazhe dhe fyerje edhe ndaj vajzave të tjera.

Platforma “TikTok” po shihet si shqetësim për shoqërinë shqiptare, ndaj dhe Kryemistri Edi Rama ka vendosur mbylljen e tij për një afat 1-vjeçar, por që vendimi ende nuk ka gjetur zbatim. /CNA





Lajmet e fundit nga