web counter
LEXO PA REKLAMA!

SHKARKO APP

App Store
Google Play

E fundit!

x

Shpërdorim detyre në bashkëpunim/ SPAK-u  jep pretencën për ish-kryebashkiakun e Pogradecit

21 Janar 2025, 13:24, Aktualitet CNA

Shpërdorim detyre në bashkëpunim/ SPAK-u  jep pretencën

Prokuroria e Posaçme dha sot pretencën ndaj ish-kryebashkiakut të Pogradecit, Eduart Kapri. Këtë të martë u kërkua dënimi me 1 vit e 6 muaj ndaj Kaprit. Ish-kryebashkiaku u akuzua për veprën penale të shpërdorimit të detyrës, e kryer në bashkëpunim.

SPAK tha se për shkak të gjykimit të shkurtuar, Kapri duhet dënuar me 1 vit heqje lirie.

Të pandehur për akuzën e 'shpërdorimit të detyrës' janë marrë edhe juristi i bashkisë, Besjan Meço dhe Besmira Niko, në cilësinë e Specialistes pranë Drejtorisë së Planifikimit dhe Zhvillimit të Territorit në Bashkinë Pogradec.

Për Besmira Nikon, prokurorja Manjola Kajana kërkoi 8 muaj burgim që të konvertohet në shërbim prove 1 vit e 6 muaj dhe për 5 vite të mos ushtrojë funksione publike.

Për Besian Meçon u kërkua 1 vit burg, të pezullohet në 1.4 muaj shërbim prove dhe me dënim plotësues që për 5 vite të mos ushtrojë funksione publike.

Seanca për mbrojtje dhe vendim u caktua në datë 5 shkurt, ora 12.00./ CNA





Lajmet e fundit nga