web counter
LEXO PA REKLAMA!

SHKARKO APP

App Store
Google Play

Kryemadhi publikon tjetër dokument për inceneratorin e Tiranës/ Akuzon Veliajn për shumën e firmosur

27 Korrik 2022, 19:24, Aktualitet CNA
Kryemadhi publikon tjetër dokument për inceneratorin e Tiranës/
Monika Kryemadhi

Ish-kryetarja e partisë së inceneratorëve, Monika Kryemadhi, ka publikuar një tjetër dokument për të denoncuar aferën e inceneratorëve.

Kryemadhi ngre akuza ndaj kreut të Bashkisë së Tiranës, Erion Veliaj, teksa e cilëson atë si rrënjën e inceneratorit korruptiv.

Me anë të një statusi në rrjetet sociale, ajo deklaron se 1 firmë për inceneratorin e Tiranës është baras me 91 milionë euro të qytetarëve të vendit.

"Sa të peshon dora mor qerrata, 1 firmë për inceneratorin e Tiranës = 91 milionë Euro të qytetarëve të vendit. Erion Veliaj është rrënja e inceneratorit korruptiv të Tiranës. Firma e paligjshme e tij ka mundësuar miratimin e koncesionit korruptiv, i cili ka lidhur taksat e qytetarëve të Tiranës deri në vitin 2047!


Këtë vlerë “të artë” që ka pasur firma e Veliaj, e tregon më së miri, ministri i Financave në shkresën e radhës për procedurën koncesionare: “Referuar shkresës nr. 8275/1 prot., datë 27.03.2017, me anën e së cilës Kryetari i Bashkisë Tiranë është shprehur parimisht dakord për rolin e kësaj Bashkie referuar studimit të fizibilitetit, shprehemi pa komente për sa kohë që financuesi dhe përfituesi kryesor i projektit është Bashkia Tiranë.”

Revolucioni Antikorrupsion do t’i zhdukë përgjithmonë këto firma zyrtarësh publikë me vlera të frikshme, për koncesione fiktive, që i ngjajnë skemave mafioze më të sofistikuara", shkruan Kryemadhi./CNA.al

Kryemadhi publikon tjetër dokument për inceneratorin e Tiranës/





Lajmet e fundit nga