web counter
LEXO PA REKLAMA!

SHKARKO APP

App Store
Google Play

E fundit!

x

Marrëveshja për pensionet me Italinë/ Ambasadori Bucci: Punë e jashtëzakonshme  

27 Korrik 2022, 11:26, Aktualitet CNA

Marrëveshja për pensionet me Italinë/ Ambasadori Bucci: Punë

Ka përfunduar negocimi teknik mes Shqipërisë dhe Italisë për marrëveshjen për pensionet.

Marrëveshja për njohjen e viteve të punës u vjen në ndihmë 500 mijë shqiptarëve që jetojnë e punojnë në Itali.

Në një deklaratë të përbashkët për mediat me ministren e Financave, Delina Ibrahimaj, ambasadori i Italisë në vendin tonë Fabrizzio Bucci falënderoi skuadrën shqiptare për punën e bërë.

“Është një marrëveshje e bazuar mbi reciprocitetin edhe shtetasit italianë mund të përfitojnë nga kjo marrëveshje. Është një moment shumë i rëndësishëm pasi është një urë tjetër që ne po ndërtojmë. Më shumë se 700 mijë janë me titullar shtetasit shqiptar. Paguajnë kontributet dhe falë kësaj marrëveshjeje do të plotësojnë këtë mangësi që ekziston në këtë boshllëk në vendin tonë.”- tha Bucci.

Ndërsa ministrja Ibrahimaj tha se do të njihen vitet e pensionit për çdo shqiptar.

“Marrëveshja që është dakordësuar mbulon pension e pleqërisë. Sigurimit për përfitimet e lindjes dhe sigurimin për papunësinë. Çdo shqiptar që ka punuar prej vitesh në Itali dhe në Shqipëri do t’i njihen vitet e pensionit në momentin që ky individ do të dalë në pension. Hartimi i kësaj marrëveshjeje është shprehje e qartë e vullnetit politik. Është një ditë fitoreje pasi përmbushet e gjithë njohja e periudhës së tyre. Kjo marrëveshje tregon për marrëdhëniet e shkëlqyera historike ndërmjet dy vendeve.”- tha Ibrahimaj./CNA.al





Lajmet e fundit nga