web counter
LEXO PA REKLAMA!

SHKARKO APP

App Store
Google Play

Afera e inceneratorëve/ PD ‘gozhdon’ Ramën

27 Korrik 2022, 10:55, Aktualitet CNA

Partia Demokratike, në një deklaratë për mediat, i ka bërë disa pyetje publike qeverisë “Rama” në lidhje me aferën e inceneratorëve. 

PD përmes Jamarbër Malltezit ka shtruar pyetjen se pse qytetarët paguajnë prej 3 vitesh 29 euro për një ton mbetje për inceneratorin e Tiranës, kur ai nuk është në funksion.

"Kjo është një foto e Sharrës në ditët e sotme.

BINGO bën ai që gjen se ku është inceneratori!

Por për inceneratorin e Tiranës janë paguar mbi 45 milione € deri më sot për t’u ndërtuar! Ku shkuan paratë?

Ka mbi 3 vjet qe po paguhet nga 29 €/ton mbetje ndonëse incenerator nuk ka! Edhe sipas kontratës ne fuqi derisa te funksiononte inceneratori do duhej paguar veç 12 €/ton, jo 29!

NUK PRANOJME MË “Ç’më duhet mua për kontratën?”

Ja disa pyetje të thjeshta:

1.  Pse po paguajnë prej 3 vitesh qytetarët e Tiranes nga 29 euro/ton ndërkohë që ka ve? landfill dhe duhej paguar vec 12 euro/ton derisa të funksiononte landfilli?

2.  Kush genjeu sikur kompania në Hollandë kish experience ndërkohë që ajo ishte thjesht guackë?

3.  Pse Edi Rama i dha 8 pike bonus një guacke të sapokrijuar?

4.  Pse krijuan guacka bija, guacka nona dhe guacka gjyshe?

5.  A kish shtetase ruse qe firmoste ne emër të guackës gjyshe? Kush shqiptar di te thote se ku shkuan paratë e shqiptareve? E pra shtetas të huaj përfshire shtetas ruse e dinë fare mire.

6.  Kush i ndaloi autoritetet dhe drejtorite të vepronin ndaj këtyre shkeljeve?

7.  Kush po i ndal edhe sot drejtoritë të ndërpresin financimet për korrupsionin gjigand të inceneratoreve?

Janë pyetje shumë të thjeshta për qytetaret por shuuuumë të vështira për drejtësine e Soros", deklaroi Malltezi./ CNA.al

 





Lajmet e fundit nga