web counter
LEXO PA REKLAMA!

SHKARKO APP

App Store
Google Play

Ish-sigurimsat “rehabilitohen” në media?/ Mesazhi i fortë: Të hapen dosjet e gazetarëve

27 Korrik 2022, 11:45, Aktualitet CNA

Ish-sigurimsat “rehabilitohen” në media?/ Mesazhi i fortë:

Gazetari Elvi Fundo ka reaguar pas kërkesës së Autoritetit të Dosjeve, drejtuar Kuvendit të Shqipërisë, për të ndryshuar ligjin e dosjeve, për të verifikuar edhe politikanët e lartë që dolën të pastër nga dy Komisionet në vitet '90.

Në një postim në rrjetet sociale, gazetari Elvi Fundo drejton mesazhe të forta, ndërsa shkruan se bashkë me politikanët, le të hapen edhe dosjet e gazetarëve që në 30 vite i kanë shërbyer sa njërës palë, sa tjetrës.

Fundo thekson se duhet të hapen edhe dosjet e gazetarëve, që shqiptarët ta marrin vesh se kush janë ish-bashkëpunëtorët e sigurimit.

“Përveç politikanëve që kanë qenë bashkëpunëtorë të Sigurimit të Shtetit, Autoriteti i Dosjeve do t'i bënte një shërbim të madh vendit të na tregonte dhe mbi gazetarët më të famshëm të vendit, ish-bashkëpunëtorë të sigurimit dhe ata.

S'ju pengon ligji.”-shkruan Elvi Fundo.

Kujtojmë këtu se një ditë më parë, Bordi i Autoritetit për Informim mbi Dosjet e Sigurimit te Shtetit, i kërkoi Kuvendit të Shqipërisë të ndryshojë ligjin mbi dosjet në vend, për shkak se favorizon politikanët e lartë dhe deputetët e Kuvendit të Shqipërisë, të cilët nuk ndëshkohen nga të qenit bashkëpunëtorë të Sigurimit të Shtetit dhe akoma më keq mbrohen me një klauzolë të veçantë, nëse kanë kaluar “filtrin” e atij që quhej Komisioni Mezini dhe me pas Bezhani pas vitit 1997./CNA.al





Lajmet e fundit nga