web counter
LEXO PA REKLAMA!

SHKARKO APP

App Store
Google Play

E fundit!

x

Dosja për bashkëpunëtorin e Sigurimit/ Artan Hoxha “tallet” me Ramën dhe Metën

27 Korrik 2022, 17:17, Aktualitet CNA
Dosja për bashkëpunëtorin e Sigurimit/ Artan Hoxha
Gazetari Artan Hoxha

Gazetari Artan Hoxha ka ironizuar kryeministrin Edi Rama dhe ish-presidentin Ilir Meta, pas deklaratës së Autoritetit të Dosjeve se një politikan i lartë shqiptar me iniciale I.M. ka qenë bashkëpunëtor i Sigurimit të Shtetit.

Duke i zhvendosur ngjarjet tek “Dinamo”, Hoxha thotë se Meta shkonte te palestra, ku bënin pjesë elita e kampionëve të Shqipërisë, të hante pa lekë te menca e klubit.

Për Ramën, ai deklaron se nuk u bë kurrë lojtar formacioni, por shkonte tek palestra e Dinamos për maskim, që të mos e arrestonte operativi i lagjes.

“Ka fjalë se i paska trajtuar ca kohë dhe “Dinamo”

I gjati: Thonë se kur ke qenë i ri, të ka trajtuar ca kohë dhe Dinamo???!!!

I shkurtri: Mirë o mirë, po unë thjeshtë bëja stërvitje ca muaj të palestra e peshëngritjes së Dinamos, po ti që ke luajtur disa vite me skuadrën e basketbollit të Dinamos???!!!!

Dinamos i marrshi të keqen ju, nuk i afroheni as te maja e thojit, se ka nxjerrë kampionë mbi kampionët.

I shkurtri shkonte te palestra e Dinamos, ku bënin pjesë elita e kampionëve të Shqipërisë, të hante pa lekë te menca e klubit.

I gjati nuk u bë kurrë lojtar formacioni, rezervë që rezervë mbeti me skuadrën e Trebickës dhe Bellovës. Shkonte te palestra e Dinamos për maskim, që të mos e arrestonte operativi i lagjes.

Dhe në të vërtetë, kur njeri ishte President dhe tjetri Kryeministër, Dinamo u shkatërrua fare, madje dhe klubin Dinamo e rrafshuan për ta bërë zyra Armando Duka…

Dinamo përgjithmonë…”, shkruan gazetari në rrjetet sociale./ B.A. – CNA.al





Lajmet e fundit nga