web counter
LEXO PA REKLAMA!

SHKARKO APP

App Store
Google Play

E fundit!

x

Po hetohet gjë apo thjeshtë "show"?/ SPAK thërret për të dëshmuar brenda pak ditësh disa politikanë dhe ish-zyrtarë

27 Korrik 2022, 18:31, Aktualitet CNA
Po hetohet gjë apo thjeshtë "show"?/ SPAK thërret
Foto ilustruese

Ditët e fundit, politikanë dhe ish-zyrtarë janë paraqitur në zyrat e Strukturës së Posaçme kundër Korrupsionit dhe Krimit të Organizuar (SPAK).

Sipas prononcimeve që ata kanë dhënë jashtë janë pyetur për çështje të ndryshme, por për shkak të hetimeve nuk mund të flasin.

Ndërsa vetë SPAK-u ashtu siç ia kërkon ligji nuk jep asnjë prononcim deri në fund të hetimeve.

Shpresojmë shumë që më në fund SPAK-u të çojë ndonjë hetim deri në fund dhe të nxjerrë ndonjë përgjegjës para ligjit.  

Flasim për zyrtarë të lartë, ose “peshqit e mëdhenj”, që të mos mbetet gjithçka në kuadrin e një "show", ku në dyert e kësaj godine “misterioze” hyjnë e dalin mendueshëm zyrtarë të lartë, dhe në fund ‘mbarset mali e pjell një mi”.

Po hetohet gjë apo thjeshtë "show"?/ SPAK thërret

-Xhelal Mziu paraqitet në SPAK për kallëzimin e Rakip Sulit

Pranë organit të akuzës, ishte deputeti demokrat Xhelal Mziu i cili u paraqit këtë të mërkurë.

Ai është thirrur në SPAK për të dhënë deklarimet e tij, lidhur me kallëzimin e Rakip Sulit. Kryebashkiaku aktual kallëzoi Mziun për shpërdorim detyre, pasi sipas tij dyshohet të ketë favorizuar subjekte private.

Po hetohet gjë apo thjeshtë "show"?/ SPAK thërret

-Taulant Balla paraqitet në SPAK për çështjen “Partizani”

Dy ditë më parë, në SPAK u paraqit kryetari i Grupit Parlamentar të Partisë Socialiste, Taulant Balla.

Ai u thirr për të dëshmuar çfarë informacionesh disponon për çështjen “Partizani”. Ky kallëzim është bërë nga vetë Balla për aferën e privatizimit të ish-kompleksit “Partizani” ku është ndërtuar një kompleksh pallatesh.

Po hetohet gjë apo thjeshtë "show"?/ SPAK thërret

-“Rrini të qetë”, Blendi Gonxhe në SPAK: Isha për një verifikim

Po më 25 korrik, edhe drejtori i Drejtorisë së Përgjithshme të Transportit Rrugor, Blendi Gonxhe ishte në zyrat e Strukturës së Posaçme.

Ai është shprehur pas dëshmisë në SPAK se u pyet për një verifikim që nuk ka lidhje me insititucionin që drejton. Gonxhe nuk preferoi të jepte detaje nga çështja, por nënvizoi se është sekret shtetëror.

Po hetohet gjë apo thjeshtë "show"?/ SPAK thërret

-‘Pyesni në SPAK’, Dritan Leli pas marrjes në pyetje nga organi i akuzës

Më 22 korrik dëshmoi në SPAK kreu i Bashkisë Vlorë, Dritan Leli.

Ai u largua nga zyrat e Strukturës së Posaçme, pas më shumë se një orë në pyetje në organin e akuzës. Leli nuk u prononcua në media në lidhje me çështjen që ishte thirrur.

Po hetohet gjë apo thjeshtë "show"?/ SPAK thërret

-‘Nuk i druhem përgjegjësisë’, Beqaj flet pas marrjes në pyetje nga SPAK-u

Më 18 korrik, ish-ministri i Shëndetësisë, Ilir Beqaj, qëndroi për më shumë se 9 orë në zyrat e SPAK-ut, ku u mor në pyetje.

Beqaj u shpreh se është thirrur në cilësinë e personit, i cili ka dijeni për këtë çështje, teksa theksoi se nuk i druhet përgjegjësisë.

- Ish-kryebashkiaku i Dibrës paraqitet në SPAK

Më 28 qershor, ish-kryebashkiaku i Dibrës, Muharrem Rama u paraqit në SPAK.

Nuk dihen ende arsyet pse ish-kryebashkiaku ndodhet në zyrat e Strukturës së Posaçme kundër Korrupsionit dhe Krimit të Organizuar./CNA.al

 





Lajmet e fundit nga