E fundit!

08:09 Kronika

E rëndë në Maliq/ Një person vret efektivin e policisë, plagos 1 tjetër

Një ngjarje e rëndë është shënuar këtë të enjte në Maliq, ...

Kreu i ILD-së zhvillon vizitë zyrtare në Kosovë

28 Janar 2026, 16:22, Aktualitet CNA

Inspektori i Lartë i Drejtësisë, Artur Metani, i shoqëruar nga trupa inspektuese e ILD-së, ka zhvilluar një vizitë pune në Prishtinë, ku pati takime me drejtues të institucioneve të drejtësisë dhe trupën akademike të Fakultetit të Drejtësisë së Universitetit të Prishtinës.

Metani zhvilloi takim me kryetarin e Gjykatës Supreme të Kosovës, Fejzullah Rexhepin dhe gjyqtarin e Gjykatës Supreme, Qerim Ademaj. Gjatë takimit, kreu i ILD-së, Artur Metani u ndal tek roli dhe funksionet e Zyrës së Inspektorit të Lartë të Drejtësisë në lidhje me trajtimin e ankesave, hetimet disiplinore dhe inspektimet ndaj magjistratëve.

Metani dhe Rexhepi vlerësuan se ndërtimi dhe thellimi i marrëdhënieve profesionale mes dy institucioneve kontribuon në promovimin e standardeve etike dhe profesionale në sistemet e drejtësisë së dy vendeve.

Inspektori i Lartë i Drejtësisë dhe delegacioni që e shoqëronte zhvilloi një takim pune edhe në Këshillin Gjyqësor të Kosovës, ku u prit nga kreu i Këshillit Gjyqësor, Albert Zogaj, zëvendëskryesuesja e këtij Këshilli, Arjeta Sadiku, kryetarja e Komisionit të Performancës së gjyqtarëve, Teuta Brahimi, si dhe drejtori i përgjithshëm i Sekretariatit të Këshillit Gjyqësor të Kosovës, Shkëlzen Maliqi.

Metani dhe Zogaj ranë dakord për intensifikimin e bashkëpunimit dhe zhvillimin e iniciativave të përbashkëta në të ardhmen, edhe përmes shkëmbimeve profesionale në institucionet respektive. Një ndalesë e posaçme e vizitës së punës së Inspektorit të Lartë të Drejtësisë në Kosovë ishte në Fakultetin e Drejtësisë të Universitetit “Hasan Prishtina”, me të cilin ILD ka një marrëveshje bashkëpunimi, që në tetor të vitit 2022. /CNA