web counter
LEXO PA REKLAMA!

SHKARKO APP

App Store
Google Play

KPA lë në fuqi shkarkimin e gjyqtarit të Gjykatës Administrative

26 Qershor 2025, 16:30, Aktualitet CNA

KPA lë në fuqi shkarkimin e gjyqtarit të Gjykatës

Kolegji i Posaçëm i Apelimit vendosi sot lënien në fuqi të shkarkimit të gjyqtarit të Gjykatës Administrative Avni Sejdi, duke e nxjerrë kështu përfundimisht jashtë sistemit të drejtësisë.

Gjyqtari Sejdi ka qenë më parë subjekt i rivlerësimit nga KPK, më 19 janar të vitit 2024.

“Trupi gjykues i Kolegjit të Posaçëm të Apelimit, i përbërë nga Sokol Çomo kryesues, Ina Rama relatore, Albana Shtylla, Mimoza Tasi, Rezarta Schuetz anëtare, shpalli vendimin për çështjen nr. 10/2024, datë 12.03.2024, që i përket ankimit të subjektit të rivlerësimit Avni Sejdi kundër vendimit të Komisionit të Pavarur të Kualifikimit nr. 733, datë 19.01.2024. Në përfundim të gjykimit në dhomë këshillimi, trupi gjykues, bazuar në nenin 66, pika 1, shkronja “a” e ligjit nr. 84/2016, “Për rivlerësimin kalimtar të gjyqtarëve dhe prokurorëve në Republikën e Shqipërisë”, në mënyrë unanime, vendosi: Lënien në fuqi të vendimit nr. 733, datë 19.01.2024 të Komisionit të Pavarur të Kualifikimit, që i përket subjektit të rivlerësimit Avni Sejdi”,-thuhet në njoftim./CNA





Lajmet e fundit nga