web counter
LEXO PA REKLAMA!

SHKARKO APP

App Store
Google Play

E fundit!

x

Fshehu pasurinë/ GJKKO dënon me 100 orë pune ish-gjyqtarin Zenelaj

26 Qershor 2025, 11:58, Aktualitet CNA

Fshehu pasurinë/ GJKKO dënon me 100 orë pune ish-gjyqtarin

Apeli i Gjykatës së Posaçme ka pezulluar dënimin e Shkallës së Parë të GJKKO-së për ish-gjyqtarin Guxim Zenelaj.

Shkalla e Parë e GJKKO-së kishte vendosur dënimin me 6 muaj burg, të cilin Apeli e ndryshoi në 100 orë punë publike, e cila duhet të kryhet brenda 6 muajve.

Ish-anëtari i Gjykatës së Lartë akuzohet për fshehje pasurie.

 

Njoftimi i GJKKO-së

Gjykata e Posaçme e Apelit për Korrupsionin dhe Krimin e Organizuar, me trup gjykues të përbërë nga gjyqtarët Igerta Hysi (kryesuese), Tereza Merkaj (anëtare) dhe Iliriana Olldashi (anëtare),  më datë 26.06.2025, shpalli vendimin lidhur me çështjen e regjistruar me nr. 38 akti, datë 06.05.2025 regjistrimi, mbi ankimin e paraqitur nga ankuesi G.Z., ndaj vendimit nr. 26, datë 17.03.2025 të Gjykatës së Posaçme të Shkallës së Parë për Korrupsionin dhe Krimin e Organizuar, dhe vendosi:

 

1. Lënien në fuqi të vendimit nr. 26, datë 17.03.2025, të Gjykatës së Posaçme Shkallës së Parë për Korrupsionin dhe Krimin e Organizuar, me këtë ndryshim:

•             Në zbatim të nenit 63 të K.Penal urdhërohet:

1-            Pezullimi i ekzekutimit të vendimit të dënimit me burgim,

2-            Zëvëndësimi i dënimit me burgim me detyrimin e të denuarit G.Z. për të kryer një punë në interes publik, për një kohë prej 100 orësh.

•             Puna në interes publik, të kryhet nga i dënuari brenda gjashtë muajve, duke filluar ky afat nga dita e ekzekutimit të këtij vendimi.

•             Detyrohet i dënuari G.Z. të kryejë llojin e punës, në vendin e kryerjes së saj dhe në ditët përkatëse të javës, sipas përcaktimeve të Zyrës Vendore të Shërbimit të Provës Tiranë.

•             Detyrohet i dënuari G.Z. të mbajë kontakte me Zyrën Vendore të Shërbimit të Provës Tiranë.

3. Shpenzimet gjyqësore edhe të gjykimit në apel, i ngarkohen të pandehurit G.Z.

4. Kundër vendimit mund të bëhet rekurs në Gjykatën e Lartë, brenda 45 (dyzet e pesë) ditëve, duke filluar ky afat nga e nesërmja e njoftimit të këtij vendimi.

U shpall në Tiranë, më datë 26.06.2025./ CNA





Lajmet e fundit nga