web counter
LEXO PA REKLAMA!

SHKARKO APP

App Store
Google Play

E fundit!

x

Historike, Shqipëria do të mbajë në 2027-n Samitin e 36-të të NATO-s

25 Qershor 2025, 21:38, Aktualitet CNA

Historike, Shqipëria do të mbajë në 2027-n Samitin e

Historike, Samiti i NATO-s, në vitin 2027 do të mbahet në Shqipëri, në kryeqytetin tonë, Tiranën.

Samiti i NATO-s është një nga ngjarjet më të mëdha botërore, është një takim i nivelit të lartë që konsiderohet si një mundësi periodike për krerët e shteteve dhe krerët e qeverive të vendeve anëtare të NATO-s për të vlerësuar dhe ofruar drejtim strategjik për aktivitetet e Aleancës.

Samitet e NATO-s nuk janë takime të rregullta si takimet më të shpeshta ministrore të NATO-s, por përkundrazi janë momente të rëndësishme në procesin e vendimmarrjes së aleancës në nivelin më të lartë.

Samitet shpesh përdoren për të prezantuar politika të reja, për të ftuar anëtarë të rinj në aleancë, për të nisur iniciativa të reja të mëdha dhe për të ndërtuar partneritete me vendet jashtë NATO-s.

Në 2027, krerët e 32 shteteve anëtare të NATO-s do të mblidhen në Tiranë.

Ky samit do të sjellë në Tiranë politikanët e 32 shteteve anëtare të Aleancës duke nisur që nga Presidenti i SHBA Donald Trump si dhe liderë të tjerë botërorë.  

Ky samit nuk është thjesht një reklamë për Shqipërinë, të cilën do ta njohë gjithë bota por edhe një garanci më shumë për stabilitetin dhe sigurinë e Shqipërisë.

NATO që nga krijimi i saj deri më sot ka mbajtur 34 samite, ndërsa pritet që në vitin 2026 të mbajë samitin në Turqi dhe në 2027 në Shqipëri.

Në samitin e fundit të NATO-s në Hagë, që u mbajt për dy ditë radhazi, vendimi kryesor ishte që 32 aleatët të angazhohen që deri në vitin 2035 të shpenzojnë 5 për qind të Prodhimit të Brendshëm Bruto për mbrojtjen.

Nga kjo, 3.5 përqind duhet të shkojë për shpenzime thelbësore ushtarake dhe 1.5 përqind për fusha të tjera si infrastruktura kritike, gatishmëria civile dhe ndihma për Ukrainën.

Një tjetër shtyllë kryesore e NATO-s është Neni 5, që thotë se sulmi ndaj njërit prej 32 aleatëve konsiderohet sulm ndaj të gjithëve u ritheksua gjatë mbledhjes së këtij Samiti të NATO-s.

Shqipëria në NATO

Prej vitit 2009, Shqipëria është anëtare e NATO-s dhe aplikante për kandidate për anëtarësim në Bashkimin Evropian. Shqipëria është dëshmuar si një faktor i rëndësishëm në ruajtjen e qëndrueshmërisë rajonale, duke mbështetur zgjidhjen e mosmarrëveshjeve politike në Ballkan.

Tashmë, në vitin 2027 Shqipëria do të bëhet gati të presë 32 krerët e shteteve anëtare në NATO në samitin që do të jetë i 36 i NATO-s./ CNA





Lajmet e fundit nga