web counter
LEXO PA REKLAMA!

SHKARKO APP

App Store
Google Play

Eric Adams për Opinion: Mezi pres të vij në Shqipëri

24 Qershor 2025, 22:58, Aktualitet CNA

Eric Adams për Opinion: Mezi pres të vij në Shqipëri

Kryebashkiaku i New York-ut, Eric Adams, zhvilloi një intervistë për gazetarin Blendi Fevziu në emisionin “Opinion” në Tv Klan.

I pyetur nga Fevziu, Adams tha se nuk e ka vizituar deri më tani Shqipërinë, por djali i tij, po, madje dëshiron që nëse del në pension, të jetë në vendin tonë.

Por kryebashkiaku Adams theksoi se “mezi po pret” ta vizitojë vendin tonë.

Biseda ne emision 

Blendi Fevziu: E keni vizituar ndonjëherë Shqipërinë?

Eric Adams: Jo nuk e kam vizituar, por djali im ka qenë në Shqipëri.

Blendi Fevziu: E di shumë mirë. Djali juaj ka qenë i pranishëm në një festival kënge në televizionin tonë.

Eric Adams: Po, po.

Blendi Fevziu: Çfarë përshtypjesh pati ai nga vendi ynë?

Eric Adams: Ai e do shumë Shqipëri. E do shumë. Thotë që nëse do të dalë në pension në ndonjë vend, do të dalë në pension në Shqipëri.

Blendi Fevziu: Na duhet t’ju ftojmë në vendin tim. Është vend shumë i bukur, është një vend i vogël, por jashtëzakonisht i bukur. Nga deti, tek malet, nga liqenet, tek lumenjtë. Është një vend i vogël, por shumë i bukur. Shpresoj që ta vizitoni shpejt atë?

Eric Adams: Mezi po pres.

Djali i Eric Adams, Jordan Coleman, mori pjesë në festivalin “Kënga Magjike” në vitin 2022.

Ai njihet me amerin e artit Jayoo, ndërsa edhe asokohe Adams bëri një përshëndetje live për shqiptarët përmes Tv Klan.

Kryebashkiaku Adams njihet për mbështetjen ndaj komunitetit shqiptar./tvklan.al





Lajmet e fundit nga