web counter
LEXO PA REKLAMA!

SHKARKO APP

App Store
Google Play

E fundit!

x

Konfindustria: Nëse nuk merren masa për çmimin e karburantit, rrezik për kolaps shtetëror

24 Mars 2026, 22:14, Aktualitet CNA

Konfindustria: Nëse nuk merren masa për çmimin e karburantit,

Kreu i Konfindustrisë, Gjergj Buxhuku deklaroi sot se nëse nuk veprohet në kohë për situatën e rritjes së çmimit të karburanteve, të krijuar prej situatës në Lindjen e Mesme, vendi mund të përballet me një gjendje serioze.

Në një studio televizive, Buxhuku u shpreh se ka rrezik të kalimit në kolaps dhe detabilizim të shtetit, për shkak të recensionit të pastër ekonomik që sjell një zhvillim i tillë.

“Ndërhyrja e SHBA-ve në Lindjen e Mesme bëhet për të ruajtur dollarin më shumë dhe jo për Izraelin. Jemi në momente shumë të brishta. Nuk jemi në rastin e parë të Ukrainës, por jemi në një rast të dytë. Kemi një shtet formal dhe jo veprues që mbron interesa madhore, flasim për sigurinë kombëtare. Karburanti është malli për të cilin bëhen luftërat në botë, janë bërë dhe bëhen, dhe ti s’mund të jesh në pozitat e spekatorit, vend ku s’ka bujqësi, nuk ka prodhim.

Nuk mjaftojnë këto me mbi 5 mld euro deficit, por ndodh edhe kjo, ndodh lufta në Iran. 25% është rritur çmimi i karburantit, nga 174 në 217. Ke humbur 2% të prodhimit kombëtar në vit, që do të thotë se e rrezikon seriozisht e të kalosh në recension të pastër ekonomik, duke përmendur vetëm karburantin, pa futur në faktorë të tjerë.

Rrezikon seriozisht të kalosh në kolaps e destabilizim shtetin. Pra s’mund të kesh para, kalon në krizë. Një ditë të bukur mund të gdhihesh e të gjendesh në këtë situatë.

Edhe nëse arrihen marrëveshje mes palëve, situata mbetet e brishtë, do të jetë e përkohshme. Unë kam qenë në Iran, nuk është ai shtet që duket në media, është shtet i fortë. Ky konflikt ndikon dhe rrezikon tregun botëror, kurse qëllimi i SHBA është ruajtja e forcës së dollarit nga tronditja e tregjeve”,-tha Buxhuku./CNA





Lajmet e fundit nga