web counter
LEXO PA REKLAMA!

SHKARKO APP

App Store
Google Play

“Pis! S’kam për ta falur”/ Zbardhet procesverbali, Veliaj kërcënoi oficerin e BKH-së

24 Mars 2026, 17:18, Aktualitet CNA

“Pis! S’kam për ta falur”/ Zbardhet procesverbali,

Këtë të martë u zhvillua seanca e dytë në themel ndaj kryebashkiakut të arrestuar Tiranës, Erion Veliaj.

Nga detajet e procesverbalit të dorëzimit të akteve të zbardhur sot, siç u shpreh prokurori Ols Dado, mësohet se Veliaj ka kërcënuar Samet Gurgurin, oficerin e Byrosë Kombëtare të Hetimit, duke iu drejtuar me më fjalë fyese, joetike dhe më pas ka refuzuar të marrë aktet.

“Procesverbali e thotë qartë. Në zbatim të urdhrit kanë shkuar në IEVP Durrës dhe kanë kontaktuar me Erion Veliaj. Që në fillim, Erion Veliaj ka shfaqur sjellje kundërshtuese, edhe fyese ndaj hetuesve të BKH. Ka qenë reagim jo etik dhe fyes, duke refuzuar të marrë aktet. Në këto kushte është larguar dhe ka vënë në dijeni të gjithë zinxhirin në burg, që nga juristët e deri tek drejtuesit. Ata të gjithë së bashku kanë shkuar t’i sqarojnë Erion Veliajt arsyen. Është kundërshtuar dhe Veliaj i është drejtuar me fjalët  “Gruaja ime abortoi dy herë. Më keni shkatërruar. Ols Dado ka 30 apartamente. Ky pis, abortin e dy fëmijëve të mi s’kam për ta falur.” Më pas, në një dhomë janë vendosur nga Samet Gurguri dhe juristët e IEVP dokumentet dhe aktet në paraburgim”,-tha Dado./CNA





Lajmet e fundit nga