web counter
LEXO PA REKLAMA!

SHKARKO APP

App Store
Google Play

I pandehuri i SPAK-ut do të mbrojë Veliajn në GJKKO

24 Mars 2026, 15:20, Aktualitet CNA

I pandehuri i SPAK-ut do të mbrojë Veliajn në GJKKO

Një i akuzuar dhe nën hetim nga Prokuroria e Posaçme do të jetë avokati i kryebashkiakut të arrestuar të Tiranës, Erion Veliajt.

Plarent Ndreca, ish-deputeti i PS-së dhe ish-anëtar i këshillit bashkiak, ndërkohë që është nën hetim nga SPAK-u dhe në GJKKO po zhvillohet procesi kundër tij, shkon edhe merr procesin e Veliajt.

Ndërkohë që nëse Ndreca dënohet nuk dihet se si do të shkojë më tej. Mesa sa duket ky është “karrakëzi” i radhës dhe është thjesht dhe vetëm zëvendësues i përkohshëm.

Të tjerë avokatë do të vijnë edhe Plarent Ndreca do të bie “dëshmor” shumë shpejt.

Kujtojmë se sot mbahet seanca e dytë e gjykimit në themel për kryebashkiakun e arrestuar për 13 akuza për 5 vepra të rënda penale, Erion Veliaj, bashkëshorten e tij Ajola Xoxa, si dhe 28 personat e tjerë të pandehur.

Hetimi ndaj Plarent Ndrecës

Plarent Ndreca është marrë i pandehur nga SPAK për akuzat për shkelje të barazisë në tenderë. Hetimet janë bërë për tenderin për rikonstruksionin e komisariateve të Vlorës, Mirditës, Pogradecit dhe Tiranës. Shkeljet, Ndreca i ka kryer kur ishte në detyrë si Sekretar i Përgjithshëm në Ministrinë e Brendshme.

Kallëzimi në SPAK u bë nga Kontrolli i Lartë i Shtetit, i cili dyshon se zyrtarët kanë lejuar mospërputhje dhe devijime ligjore në garën për ndërhyrje në Komisariatet e Vlorës, Mirditës, Pogradecit dhe atij nr. 4 në Tiranë.

Sipas KLSH-së, gjatë kontrollit u gjetën mospërputhje dhe devijime ligjore, si pasojë e shkeljeve të dispozitave ligjore në procedurat e prokurimit publik, të cilat kanë cënuar barazinë e pjesëmarrësve në tendera. /CNA





Lajmet e fundit nga