web counter
LEXO PA REKLAMA!

SHKARKO APP

App Store
Google Play

"Janë caktuar persona për të targetuar Berishën”/ Kaso: Incidentet në protestë urdhërohen nga Rama

23 Mars 2026, 22:47, Aktualitet CNA

"Janë caktuar persona për të targetuar Berishën”/

Deputeti i PD-së, Ivi Kaso ka folur lidhur me protestën e zhvilluar ditën e djeshme dhe incidentin me gazin lotsjellës ku u përfshi dhe kryedemokrati Sali Berisha.

Në një dalje televizive, Kaso tha se kanë informacione nga brenda policisë se ka persona të caktuar që targetojnë drejtuesit e lartë të PD-së.

Sipas deputetit të gjitha incidentet në protestat e opozitës janë të urdhëruara nga kryeministri Edi Rama për të frikësuar protestuesit.

“Edhe në protestën e fundit zoti Berisha është targetuar për ta sulmuar me topat e ujit, ndërsa në një protestë më herët është targetuar nga forcat e rendit për ta sulmuar me sprej.

Kemi infomacione nga brenda policisë së shtetit se janë përcaktuar individë që kanë detyrë për të targetuar dhe sulmuar lidershipin dhe drejtuesit e lartë të PD si zotin Berisha, Luciano Boçin, Flamur Nokën.

Të njëjtën porosi kanë marrë dhe ata që drejtojnë makinat ujëhedhëse. Janë incidente të targetuara dhe urdhëruara nga Edi Rama dhe të ekzekutuara me zell nga drejtori i komanduar i policisë Sokol Bizhga që njihet për akte të tilla ndaj opozitës, me qëllim për të frikësuar mbi të gjitha ata që marrin pjesë në protesta”, tha Kaso. /CNA





Lajmet e fundit nga