web counter
LEXO PA REKLAMA!

SHKARKO APP

App Store
Google Play

Rama i besoi qarkun e Tiranës/ Balla nis punën, mbledh Asamblenë e PS-së në Kavajë

23 Mars 2026, 19:18, Aktualitet CNA

Rama i besoi qarkun e Tiranës/ Balla nis punën, mbledh Asamblenë

Drejtuesi Politik i PS-së për qarkun e Tiranës dhe njëkohësisht kreu i Grupit Parlamentar socialist, Taulant Balla ka mbledhur ditën e sotme Asamblenë e Zgjeruar të PS Kavajë.

Duke nisur zyrtarisht procesin e forcimit të strukturave organizative në këtë bashki për zgjedhjet e ardhshme lokale, Balla shprehet në një postim në rrjetet sociale se Kavaja me bregdetin e saj po merr vendin që i takon si destinacion i lakmuar turistik.

Ndër të tjera, ai thotë se ky sukses po bëhet shënjestër e qëllimshme e opozitës duke goditur me molotovë ekonominë turistike.

Postimi i plotë:

Filluam sot me Asamblenë e PS procesin e forcimit të strukturave tona në këtë bashki. Ndërsa Shqipëria shënoi në vitin 2025 rekordin historik të turistëve të huaj, Kavaja me bregdetin e saj merr një vend të rëndësishëm si destinacion i lakmuar turistik. Kjo rritje e paimagjinueshme ka çuar në rritjen e bizneseve të zonës dhe të të ardhurave për banorët dhe Bashkinë.

Molotovët e Sali Berishës duan të godasin pikërisht ekonominë turistike, me shpresën e këtij të plaku të rrjedhur se duke dëmtuar turizmin dhe imazhin e Shqipërisë, shqiptarët do t’i japin atij votën në Zgjedhjet e vitit 2029. /CNA

 





Lajmet e fundit nga