web counter
LEXO PA REKLAMA!

SHKARKO APP

App Store
Google Play

"Nuk mund të garojë kushdo për kreun e PD-së"/ Deputeti për aksionin opozitar: Na duhet qëndrueshmëri e protestës

23 Mars 2026, 22:38, Aktualitet CNA

"Nuk mund të garojë kushdo për kreun e PD-së"/

Deputeti i PD-së, Eno Bozdo ka folur mbrëmjen e sotme lidhur me garën për kreun e kësaj partie. I ftuar në emisionin “Now me Erla Mëhillin”, Bozdo tha se kandidatët për kryetar nuk mund të jenë njerëz dosido, për shkak se sipas tij ai do të jetë dhe kandidat potencial për kryeministër.

“Debati brenda partisë dhe grupit parlamentar është më i shëndetshëm se kurrë. Ngrihen dhe zërat dhe tejkalohen.Ka shumë herë debate dhe mendime të ndryshme. PD nuk duhet të ketë kompleks të thotë se kjo është një garë për kryeministrin e Shqipërisë. Dhe kryeministri i ardhshëm nuk mund të jetë kushdo, një që vjen nga rruga apo që bën dy ose tre veprime.  Rolin e kandidatit potencial për kryeministër nuk e luajnë dot të gjithë”, u shpreh deputeti.

I pyetur për hapat e radhës të aksionit opozitar, Bozdo tha se gjithçka ka kohën e saj për tu bërë.

“Ka ardhur çasti të mendohet për hapin e radhës. Duhet një diskutim më i gjerë. Por ka një kohë për secilin hap që të bëhet. Ne bëjmë dhe rakordime me ato që na duan të mirën në nivel kombëtar dhe ndërkombëtar. Mendojmë dhe kalkulojmë kur një lëvizje e PD do të prodhojë më shumë energji se asnjë tjetër. Kemi nevojë për një rrahje mendimesh sepse duhet të shkojmë te maksimizimi dhe qëndrueshmëria e protestës”, tha Bozdo. /CNA





Lajmet e fundit nga