web counter
LEXO PA REKLAMA!

SHKARKO APP

App Store
Google Play

Komisionerja e BE-së, Marta Kos: SPAK ka bërë punë të shkëlqyer në luftën ndaj korrupsionit

24 Mars 2026, 21:22, Aktualitet CNA

Komisionerja e BE-së, Marta Kos: SPAK ka bërë punë të

Komisionerja e BE-së për Zgjerimin, Marta Kos ka folur ditën e sotme lidhur me situatën aktuale në Shqipëri dhe ecurinë e saj në procesin e integrimit.

Në një intervistë, Kos u shpreh se lidhur me integrimin, Shqipëria ka bërë një punë të shkëlqyer.

Ndër të tjera, komisionerja vlerësoi dhe punën e Prokurorisë së Posaçme, ku tha se gjithashtu kanë bërë një punë të shkëlqyer në luftën kundër korrupsionit dhe shtoi se është normale që ata të hetojnë dhe zyrtarë të lartë.

“Shqipëria ka bërë një punë të shkëlqyer. Pra, ne jemi tani në procesin, nga shtetet anëtare, të kalimit përmes standardeve të ndërmjetme për sundimin e ligjit, dhe duket mirë. Por natyrisht ka disa raste, dhe ju përmendët rastin e Ballukut, të cilin ne po e monitorojmë vërtet mirë. SPAK, agjencia kundër korrupsionit në Shqipëri, po bën një punë të shkëlqyer, dhe është disi normale që pastaj ata gjejnë raste. Pra, e rëndësishme është që nëse ato raste janë aty, cilat janë reagimet ndaj tyre? Dhe këtë e monitorojmë edhe ne”, u shpreh Kos.

Komisionerja tha më tej se diccka tipike për vendet kandidate është që mund të kenë legjilacionin më të mirë për luftimin e korrupsionit por është problem nëse ky fenomen pranohet në vend.

“Një tjetër çështje me anti-korrupsionin, e cila do të thoja që është tipike për të gjitha vendet kandidate, ju e dini, mund të keni legjislacionin më të mirë për luftimin e korrupsionit, por nëse korrupsioni është i pranuar në vend, atëherë keni një tjetër problem. Pra, të gjitha ato vende po kalojnë përmes këtij procesi të ndryshimit të mentalitetit ndaj korrupsionit, dhe kjo kërkon pak kohë”, tha komisionerja. /CNA





Lajmet e fundit nga