web counter
LEXO PA REKLAMA!

SHKARKO APP

App Store
Google Play

E fundit!

x

“Mos u lodh me përjashtime, se po ikin vetë o Muli”/ Ish-anëtarja e Kryesisë së PD-së ironizon Nokën

24 Mars 2026, 20:52, Aktualitet CNA

“Mos u lodh me përjashtime, se po ikin vetë o Muli”/

Ish-anëtarja e Kryesisë së PD-së në Kamëz, Anila Aliaj ka bërë një reagim drejtuar Sekretarit të Përgjithshëm të Partisë Demokratike, Flamur Noka, pas përjashtimeve të dy anëtarëve të Këshillit Bashkiak në Durrës.

Në një postim në rrjetet sociale, Aliaj ka ndarë një foto të deputetit Xhelal Mziu me kreun e ri të degës së PD-së në Dibër, Jeton Kaloshin dhe kandidatin tjetër për këtë post Behar Demën.

Në foton e postuar nga ish-anëtarja e Kryesisë thuhet se në zgjedhjet për kreun e degës PD Dibër, nga 1600 anëtarë kanë votuar vetëm 300 prej tyre.

Ajo shprehet se Flamur Noka tashmë nuk duhet “të lodhet” me përjashtime, pasi anëtarët e kryesisë po largohen vetë.

“Mos u lodh me përjashtime, se po ikin vetë o Muli”, thuhet në postimin e saj.

“Mos u lodh me përjashtime, se po ikin vetë o Muli”/

Anila Aliaj, disa muaj më parë,njoftoi në një postim në rrjetet sociale se ishte përjashtuar nga Noka pas një debati mes tyre.

Ndërkohë, Noka reagoi më herët për largimin e dy këshilltarëve nga grupi i PD në Bashkinë e Durrësit. Në reagimin e tij, ai tha se njëri prej këshilltarëve ka punuar për Partinë Socialiste gjatë zgjedhjeve të 11 majit 2025, ndërsa tjetri akuzohet për përfitime personale nga posti dhe bashkëpunim me këtë forcë politike. /CNA





Lajmet e fundit nga