Procesverbali që i "çjerr maskën" Mero Bazes

24 Mars 2026, 17:50, Aktualitet CNA

Gazetari i familjes Veliaj, Mero Baze në një editorial të bërë dy ditë më parë, për dorëzimin e akteve kryebashkiakut të arrestuar të Tiranës shprehej se Veliaj dhe avokatët e tij kanë kundërshtuar t'i marrin këto akte me pretendimin se oficerët gjyqësore duhet të kishin bërë një procesverbal.

CNA përmes një shkrimi ka reaguar dhe theksuar se çdo akt që dorëzohet bëhet me procesverbal dhe nuk ka shans që zyrtarët e burgjeve të bëjnë gafa të tilla që të dorëzojnë apo të marrin dhe të mbajnë dokumente pa pasur procesverbalin përkatës.

Zbulohet skema e Erion Veliajt me procesverbalet/ Mero Baze paralajmëron planin për seancën e nesërme gjyqësore
23 Mars, 17:36

Në seancën e sotme në Gjykatën e Posaçme, u vërtetua pikërisht kjo: që procesverbali është mbajtur.

Për më tepër në këtë procesverbal u vërtetua dhe fakti që kryebashkiaku i Tiranës, Erion Veliaj është përfshirë në një incident të rëndë verbal me oficerët e policisë gjyqësore në momentin që i janë dorëzuar aktet.

Ekskluzive/ Veliaj përplaset me oficerët e burgjeve
15 Mars, 12:26

Në dokumentin e firmosur nga oficerët e BKH-së dhe Drejtoria e Përgjithshme e Burgjeve theksohet se Veliaj ka përdorur një gjuhë kërcënuese, fyese dhe rrugaçërore ndaj tyre në momentin e dorëzimit të akteve.

Detaje nga procesverbali/ Ja si Erion Veliaj kërcënoi dhe ofendoi oficerët e BKH-së
24 Mars, 17:43

Ndër shprehjet e dokumentuara që konsiderohen si kanosje ndaj zyrtarëve në detyrë janë, përdorimi i fjalës fyese "pis" drejtuar njërit prej oficerëve, Samet Gurguri, po ashtu kërcënimi i hapur me fjalët "ty dhe prokurorëve nuk jua fal".

“Procesverbali e thotë qartë. Në zbatim të urdhrit kanë shkuar në IEVP Durrës dhe kanë kontaktuar me Erion Veliaj. Që në fillim, Erion Veliaj ka shfaqur sjellje kundërshtuese, edhe fyese ndaj hetuesve të BKH. Ka qenë reagim jo etik dhe fyes, duke refuzuar të marrë aktet. Në këto kushte është larguar dhe ka vënë në dijeni të gjithë zinxhirin në burg, që nga juristët e deri tek drejtuesit. Ata të gjithë së bashku kanë shkuar t’i sqarojnë Erion Veliajt arsyen. Është kundërshtuar dhe Veliaj i është drejtuar me fjalët “Gruaja ime abortoi dy herë. Më keni shkatërruar. Ols Dado ka 30 apartamente. Ky pis, abortin e dy fëmijëve të mi s’kam për ta falur.” Më pas, në një dhomë janë vendosur nga Samet Gurguri dhe juristët e IEVP dokumentet dhe aktet në paraburgim”, thuhet konkretisht në procesverbalin e lexuar nga prokurori Ols Dado në seancë.

“Pis! S’kam për ta falur”/ Zbardhet procesverbali, Veliaj kërcënoi oficerin e BKH-së
24 Mars, 17:18

Pra me fjalë shumë të thjeshta procesverbali ekziston dhe ky procesverbali "i çjerr maskën" Mero Bazes dhe sërish del që dirigjohet me urdhra nga burgu i Durrësit, apo avokatët e Erion Veliajt, për të shkruar mashtrime, shpifje, fyerje, duke u përdorur si shantazhues, kërcënues, si pjesë e një “grupi kriminal” në media, që punon 24 orë me intriga prapaskena kundër prokurorëve, kundër SPAK-ut, kundër drejtësisë, kundër gjykatës, me një qëllim të vetëm: të nxjerrë nga burgu Erion Veliajn, pagatorin e tij.