web counter
LEXO PA REKLAMA!

SHKARKO APP

App Store
Google Play

E fundit!

x

“Kompanitë e BE-së të përjashtuara nga tenderët”/ Berisha: Akt i rëndë, heshtja e papranueshme

12 Maj 2026, 12:49, Aktualitet CNA

“Kompanitë e BE-së të përjashtuara nga

Kreu i PD-së, Sali Berisha, ka deklaruar se përjashtimi i kompanive të Bashkimit Europian nga tenderët publikë në Shqipëri është një akt i rëndë dhe me pasoja për taksapaguesit shqiptarë.

Berisha u shpreh se heshtja ndaj kësaj situate është e papranueshme, ndërsa solli në vëmendje projektet madhore infrastrukturore të ndërtuara gjatë qeverisjes së demokratëve nga kompani prestigjioze europiane dhe amerikane.

Sipas tij, akset kombëtare nga Hani i Hotit deri në Kakavijë janë ndërtuar nga kompani të njohura ndërkombëtare, të cilat kanë fituar tenderët në mënyrë të ndershme dhe konkurruese.

Ai akuzoi qeverinë aktuale dhe drejtuesit e infrastrukturës se kanë favorizuar kompani klienteliste, duke shtuar se shumë prej rrugëve të ndërtuara së fundmi po degradohen shpejt.

Berisha pretendoi gjithashtu se kompanitë europiane janë diskriminuar përmes procedurave burokratike në platformën e-Albania.

Në fund, Berisha e cilësoi këtë praktikë si një goditje ndaj procesit të integrimit europian dhe interesit publik, duke kërkuar reagim ndaj asaj që e quajti “diskriminim kriminal” ndaj kompanive të vendeve anëtare të BE-së.

“Më duhet të them, dhe shpreh keqardhje të madhe, se për këtë akt të rëndë, ka një heshtje. Dhe kjo heshtje është e papranueshme. Pse kjo heshtje është e papranueshme? Sepse kjo Shqipëri ka një eksperiencë. Cila është kjo eksperiencë?

Nga Hani i Hotit në Kakavijë, të gjitha akset kombëtare rrugore janë ndërtuar nga kompani europiane ose amerikane më të njohura.

Kanë fituar tenderët, edhe ndërkombëtarë, ka prej tyre, absolutisht jo duke diskriminuar kurrë kompanitë shqiptare, por duke qenë i drejtë.

Në emër të interesit të taksapaguesve shqiptarë është zgjedhur gjithnjë oferta më e leverdishme.

Rruga Hani i Hotit-Shkodër është ndërtuar nga kompani italiane e mirënjohur. 'Bechtel Enka' ndërtoi Rrugën e Kombit. Rruga Lushnjë-Fier është ndërtuar nga kompani italiane e njohur. Rruga Levan-Vlorë nga dy kompani të njohura.

Autostrada Tiranë-Elbasan nga një prej kompanive më të mëdha të Greqisë, 'Aktor'. Rruga Levan-Tepelenë-Memaliaj nga Todini, një nga kompanitë më serioze italiane. Rrugët e ndërtuara nga këto kompani sot pas 15 vitesh qëndrojnë pa asnjë problem.

Ndërsa të gjitha rrugët e ndërtuara nga klientela Rama-Balluku janë shembur, po shemben sikur të ishin ndërtime kashte.

Por nga ana tjetër, pra, ky është një shkelmim i interesave të taksapaguesve shqiptarë. Unë e kam denoncuar me dhjetëra herë, ju jeni dëshmitarë këtu.

Si i përjashtonin? Ua them unë. Aplikoni në e-Albania. U kërkohej kompanive europiane dhe të tjerave të aplikonin në e-Albania.

Aplikimi në e-Albania kishte një kohëzgjatje 38 ditë, në një kohë kur tenderët grabiteshin në një kohë 34 ditë.

E kuptoni ju se si Republika e Shqipërisë që ishte 'frontrunner' në procesin e integrimit, përjashtonte të gjitha kompanitë e vendeve anëtare të BE-së me një diskriminim kriminal dhe me pasoja shumë të rënda për qytetarët shqiptarë.

Sepse ja ku janë punimet e kompanisë së klientelës. Flet vetë. E kishte tmerr, nuk e paraqiti dje. Është statistikë europiane kjo”, tha Berisha./ CNA





Lajmet e fundit nga