E fundit!

09:23 Aktualitet

Shqipëria avancon në negociatat me BE-në, sot hap i ri drejt integrimit europian

Shqipëria shënon një tjetër moment të rëndësishëm në rrugë...

"Prokuroritë dhe gjykatat me sistem digjital për trajtimin e çështjeve"/ Dhuka: Procesi tërësisht funksional në 2029

12 Maj 2026, 09:45, Aktualitet CNA

"Prokuroritë dhe gjykatat me sistem digjital për trajtimin e

Komisioni për Punët e Jashtme po zhvillon sot një seancë dëgjimore me ministren e Shtetit dhe Kryenegociatoren Majlinda Dhuka mbi Raportin e Këshillit të Ministrave mbi procesin e anëtarësimit dhe integrimit të Shqipërisë në BE për vitin 2025 dhe periudhën katërmujore janar – prill 2026.

Gjatë fjalës së saj, Dhuka u shpreh se gjatë vitit 2025, KLGJ dhe KLP miratuan 14 akte me rëndësi të veçantë që lidhen me standardet e integritetit.

Ndër të tjera shtoi se prokuroritë dhe gjykatat po dizajnojnë sistemin digjital për të trajtuar çështjet, proces i cili pritet të përfundojë deri në vitin 2029. Dhuka foli edhe për luftën kundër korrupsionit, ku tha se janë marrë një numër masash të rëndësishme.

“Këshilli i Lartë Gjyqësor dhe Këshilli i Lartë i Prokurorisë kanë miratuar 14 akte me rëndësi të veçantë sa u përket standardeve të integritetit. Këto standarde të integritetit të figurës dhe atij profesional duhet të jenë të qëndrueshëm prandaj janë miratuar një numër standardesh. Fokus i është dhënë edhe shërbimit ligjor dhe juridik, ku u miratuan dy ligje, i organeve të qeverisjes së sistemit të drejtësisë dhe për statusin e gjyqtarit dhe prokurorit. Ka një reduktim të çështjeve gjyqësore në pritje. Një drejtim tjetër i rëndësishëm është ai i lidhur me modernizimin dhe digjitalizimin e sistemit drejtësisë.

Prokuroritë dhe gjykatat po dizajnojnë sistemin digjital për të trajtuar çështjet. Procesi do të vijojë me populllimin me të dhëna të digjitalizuara, rreth 2 milionë të dhëna. Pritet të jetë tërësisht funksional deri në 2029. Kjo do të ndikojë si në eficiencën e sistemit të drejtësisë dhe atë të shërbimit për qytetarët. U zgjodhën dy drejtues të lartë, ai i SPAK-ut dhe BKH-së.

Lidhur me luftën kundër korrupsionit, janë marrë një numër masash të rëndësishme. Për herë të parë Shqipëria ka një ligj për lobimin, konfliktin e interesit dhe sinjalizuesit të përafruar me legjislacionin e BE. Ligji për sponsorizimet dhe donacionet është hartuar dhe është në konsultim me PE-në. Në 2024, 87% e masave janë zbatuar, ndërsa në 2025, 83 % e masave janë zbatuar. Është punuar edhe në sektorët më me risk për korrupsionin, siç janë pronat, prokurimet publike, tatimet dhe doganat, arsimi dhe shëndetësia”, u shpreh Dhuka. /CNA