web counter
LEXO PA REKLAMA!

SHKARKO APP

App Store
Google Play

Avokati i pandehur vijon mashtrimet/ Dy fytyrat e Plarent Ndrecës

11 Maj 2026, 23:01, Aktualitet CNA

Avokati i pandehur vijon mashtrimet/ Dy fytyrat e Plarent Ndrecës

Avokati i Erion Veliajt i marrë i pandehur nga GJKKO, Plarent Ndreca vijon të shfaqë dy “fytyrat” e tij dhe të klientit të tij.

Në një studio televizive, Ndreca ka deklaruar se ka bërë një kërkesë që mos të lejoheshin kamerat në seancën e 8 majit në Gjykatën Administrative.

Seancë në të cilën shqyrtohej padia qesharake e bërë nga kryebashkiaku me 13 akuza të rënda penale, Erion Veliaj ndaj prokurorit Ols Dado.

“Unë kam bërë kërkesë me shkrim që aty të mos kishte kamera, sepse nuk lejohen. Madje ka edhe debat pse nuk lejoheshin kamerat në gjyq”, ka thënë Ndreca.

 

Një deklaratë kjo e të pandehurit Ndreca, e cila nuk tregon asgjë më shumë se sa thjesht dhe vetëm dy fytyrat e tij. Kujtojmë se në seancën e 8 majit ishte trupa gjykuese e Administratives që vendosi se seanca duhet të ishte me dyer të mbyllura, pasi pala paditëse e kryebashkiakut të arrestuar kishte kërkuar transmetimin live të seancës.

Ndërsa pala e prokurorit Dado dhe KLP kërkuan që seanca mos të ishte në transmetim live. Ishte gjykata që vendosi që në seancë të fikeshin kamerat dhe mos të kishte transmetim live.

Nuk ishte Plarent Ndreca që e bëri një kërkesë të tillë. Avokati i pandehur dhe klienti i tij kërkuan të kundërtën e këtij vendimi, transmetim live të seancës dhe prani të kamerave.

Me këtë deklaratë të bërë Ndreca, vijon mashtrimet dhe makinacionet e tij të njëpasnjëshme. Asgjë më shumë se sa kaq.





Lajmet e fundit nga