web counter
LEXO PA REKLAMA!

SHKARKO APP

App Store
Google Play

E fundit!

x

Shqipëria intensifikon reformat për integrimin në BE/ Dhuka: U miratuan 222 akte ligjore në 2025

12 Maj 2026, 09:34, Aktualitet CNA

Shqipëria intensifikon reformat për integrimin në BE/ Dhuka: U

Ministrja e Shtetit dhe Kryenegociatorja Majlinda Dhuka po raporton mbi Raportin e Këshillit të Ministrave mbi procesin e anëtarësimit dhe integrimit të Shqipërisë në Bashkimin Europian për vitin 2025 dhe periudhën katërmujore janar – prill 2026.

Gjatë raportimit u theksua se Shqipëria duhet të vijojë përpjekjet afatgjata në fusha kyçe si eficienca e energjisë, burimet e rinovueshme, infrastruktura, si dhe përmirësimi i menaxhimit të mbetjeve, cilësisë së ajrit dhe ujërave.

Një vëmendje e veçantë iu kushtua sigurisë ushqimore, e cila u vlerësua si një sfidë e rëndësishme për ekonominë dhe procesin e integrimit. Sipas raportit, kërkohet modernizim i mëtejshëm i sistemit të sigurisë ushqimore për të arritur standardet e Bashkimit Europian.

Në aspektin legjislativ, gjatë vitit 2025 janë miratuar gjithsej 222 akte ligjore dhe nënligjore. Prej tyre, 44 janë ligje të miratuara nga Kuvendi, 78 vendime të Këshillit të Ministrave, ndërsa pjesa tjetër janë akte nënligjore.

Sipas të dhënave të raportuara, 75 akte kanë kontribuuar në përmbushjen e kushteve të ndërmjetme dhe forcimin e shtetit të së drejtës, ndërsa 111 akte lidhen me plotësimin e kushteve për mbylljen e kapitujve të negociatave me BE-në. Po ashtu, 12 akte janë pjesë e agjendës së reformave dhe 24 të tjera kanë karakter përafrues me legjislacionin e Bashkimit Europian.

“Shqipëria do të duhet të punojë në afatgjatë me eficiencën e enegjisë, burimet e rinovueshme, infrastrukturën dhe çështjet e tjera të mbetura si me mbetjet, ajrin dhe ujërat.

Siguria ushqimore përbën një sfidë të madhe për ekonomimë, kërkon përpjekje të madhe për arritjen e standardeve.

Kjo do të kërkojë veprime intensive në lidhje me modernizimin e sistemit për sigurinë ushqimore.

Gjatë 2025 ka pasur një aktivitet të dendur legjislativ. Ka miratuar 222 akte ligjore dhe nënligjore në vitin 2025.

Nga këto 222, 44 janë ligje të miratuara nga Kuvendi, 78 vendime nga Këshilli i Ministrave dhe pjesa tjetër është e natyrës ligjore.

75 akte kanë kontribuuar në plotësimin e kushteve të ndërmjetme ose forcimin e shtetit të së drejtës.

111 akte kontribuojnë në përmbushjen e 101 kushteve të mbylljes së negociatave.

12 akte i përkasin agjendës së reformave dhe 24 akte të tjera janë të natyrës përafruese”, tha Dhuka./ CNA





Lajmet e fundit nga