E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Frika e përballjes me drejtësinë/ Veliaj shmang GJKKO-në, rekursi në Gjykatën e Lartë më 28 maj

12 Maj 2026, 10:53, Aktualitet CNA

Frika e përballjes me drejtësinë/ Veliaj shmang GJKKO-në,

Kryebashkiaku i arrestuar i Tiranës me 13 akuza për 5 vepra të rënda penale, Erion Veliaj, ka nisur një betejë të re ligjore në Gjykatën e Lartë, ku përmes një rekursi të dorëzuar zyrtarisht kërkon ndryshimin e masës së sigurisë ndaj tij.

Kërkesa e depozituar më datë 6 maj, synon rrëzimin e masës "arrest në burg" dhe zëvendësimin e saj me një masë më të butë, siç është garancia pasurore ose detyrimi për paraqitje periodike.

Gjykata e Lartë do të shqyrtojë në datën 28 maj rekursin e depozituar nga kryebashkiaku i arrestuar Erion Veliaj, për zëvendësimin e masë së sigurisë.

“Kërkohet zëvendësimin e masës se sigurimit “Arrest ne burg”, parashikuar nga neni 238 i Kodit te Procedurës Penale, me një masë sigurimi më të bute si “Garanci pasurore” parashikuar nga neni 236 i Kodit të Procedurës Penale ose “Detyrim për t’u paraqitur në policinë gjyqësore”, parashikuar nga neni 234 i Kodit te Procedurës Penale”, thuhet në kërkesën e Veliajt.

Kjo lëvizje vjen në një kohë kur qëndrimi i tij ndaj proceseve gjyqësore po shfaq një kontrast të fortë dhe një strategji që duket si lojë procedurale.

Veliaj ka zgjedhur të mos paraqitet në seancat e Gjykatës së Posaçme, ku po zhvillohet procesi penal kundër tij.

Kjo mungesë sistematike në ballafaqimin me akuzat e rënda të SPAK-ut bie në kundërshtim me praninë e tij mjaft aktive në Gjykatën Administrative.

Në këtë të fundit, ku zhvillohet gjyqi kundër prokurorit Ols Dado, Veliaj nuk ka hezituar të shkojë personalisht, duke e shndërruar procesin në një skenë për deklarata publike dhe "show" mediatik.

Nga njëra anë, ai kërkon zbutjen e masave shtrënguese në Gjykatën e Lartë, por nga ana tjetër shmang përballjen direkte në GJKKO, duke preferuar sallat e gjykatave ku synon të sulmojë prokurorin, i cili ka hetuar Veliajn./ CNA