web counter
LEXO PA REKLAMA!

SHKARKO APP

App Store
Google Play

E fundit!

x

Kryebashkiaku i Vaut të Dejës paraqitet në GJKKO

12 Maj 2026, 10:09, Aktualitet CNA

Kryebashkiaku i Vaut të Dejës, Kristjan Shkreli, është paraqitur në Gjykatën e Posaçme, pasi është marrë i pandehur për veprën penale të “korrupsionit aktiv në zgjedhje”.

Çështja ndaj tij është dërguar për gjykim nga Prokuroria e Posaçme kundër Korrupsionit dhe Krimit të Organizuar, e cila ka përfunduar hetimet në kuadër të procedimit penal të vitit 2025.

Sipas organit të akuzës, Shkreli dyshohet se gjatë fushatës për zgjedhjet parlamentare të 11 majit 2025 ka premtuar dhe ofruar përfitime materiale në këmbim të votës, në mbështetje të Partisë Socialdemokrate të Shqipërisë.

Hetimet kanë evidentuar se ai ka qenë aktiv në fushatë, duke shfrytëzuar nevojat e banorëve të fshatit Stajkë për ndërtimin e infrastrukturës së rrjetit elektrik.

Sipas SPAK-ut, investimi është realizuar gjatë periudhës elektorale dhe është shoqëruar me kërkesa për votë në favor të subjektit politik të mbështetur prej tij.

Prokuroria bëri me dije se provat janë mbledhur përmes metodave speciale të hetimit, përfshirë përgjime telefonike, vëzhgime dhe veprime të tjera procedurale.

Një ditë pas zgjedhjeve të 11 majit, me urdhër të SPAK-ut, celulari i Shkrelit u sekuestrua si pjesë e hetimit./ CNA





Lajmet e fundit nga