web counter
LEXO PA REKLAMA!

SHKARKO APP

App Store
Google Play

E fundit!

x

“Rama mashtroi hapur”/ Berisha: Integriteti i prokurimeve publike ka rënë me 14 pikë

12 Maj 2026, 12:24, Aktualitet CNA

“Rama mashtroi hapur”/ Berisha: Integriteti i prokurimeve publike ka

Kryetari i Partisë Demokratike, Sali Berisha, ka akuzuar kryeministrin Edi Rama se ka paraqitur të dhëna të pasakta lidhur me gjendjen e prokurimeve publike në vend, duke e cilësuar deklarimin e tij si mashtrim të hapur.

Në një deklaratë për mediat, Berisha tha se kryeministri ka keqinterpretuar statistikat dhe raportet e institucioneve kombëtare dhe ndërkombëtare për transparencën në këtë sektor.

Ai kujtoi se Shqipëria ka qenë ndër vendet e para që ka aplikuar sistemin digjital të prokurimeve, i vlerësuar në të kaluarën nga organizata ndërkombëtare, përfshirë OKB-në dhe Bankën Botërore, për transparencë në shërbimin civil.

Sipas Berishës, integriteti i prokurimeve publike ka qenë rreth 80% në periudhën 2010–2012, ndërsa më pas ka pësuar rënie të vazhdueshme, duke zbritur në rreth 70% mesatarisht dhe në 66% në vitin 2026, që sipas tij përfaqëson një rënie prej 14 pikësh.

Ai e cilësoi këtë si një “përkeqësim dramatik”, duke shtuar se, pavarësisht zhvillimit të teknologjisë, sistemi i prokurimeve nuk ka sjellë rritje të transparencës, por përkundrazi një rënie të integritetit.

“Njeriu që në çdo fjali nxjerr një gënjeshtër është bërë barsoletë e vërtetë në Shqipëri, në Europë dhe më gjerë.

Edi Rama doli dje me shifra dhe statistika para, rrahu gjoksin për prokurimet transparente me pretendimin se ato kanë shënuar përmirësime spektakolare duke qenë i paaftë të lexojë shifrat, t’i interpretojë grafiqet, tabelat e institucioneve kombëtare dhe ndërkombëtare që faktojnë absolutisht të kundërtën.

Shqipëria, siç dihet, është vendi i parë në botë që aplikoi sistemin digjital të prokurimeve, për çka në vitin 2010, OKB i akordoi Shqipërisë, pasi BB certifikoi këtë sistem, çmimin e dytë në botë për transparencën në shërbimin civil.

Ky sistem në vitin 2010-2011-2012, pra integriteti i prokurimeve publike, ishte 80 për qind. Vlerësohej me 80 për qind.

Integriteti i prokurimeve publike pas kësaj periudhe ka rënë në një mesatare 70 për qind. Ka rënë me 10 pikë dhe jo vetëm kaq, por në vitin 2026, kjo rënie është në 66 pikë, është një rënie prej 14 pikësh. Një rënie dramatike. Shkaqet do t'i shohim më poshtë.

Pra, e kuptoni. Sistemi i vendosur në vitin 2010, që në vitet e para kishte treguesin e integritetit 80 për qind, dhe në vend se të njihte përmirësime, sepse sigurisht teknologjia e vitit 2026 është më e avancuar dhe lejon mundësi më të madhe, jo vetëm që nuk njohu përmirësim, por njohur përkeqësim progresiv”, tha Berisha./ CNA





Lajmet e fundit nga