web counter
LEXO PA REKLAMA!

SHKARKO APP

App Store
Google Play

Këshilli Drejtues i RTSH-së drejt shpërbërjes

6 Shkurt 2025, 15:08, Aktualitet CNA
Këshilli Drejtues i RTSH-së drejt shpërbërjes
RTSH

CNA ka mësuar sot se dy anëtarë të Këshillit Drejtues të RTSH-së, Gëzim Podgorica dhe Genc Përmeti kanë dhënë dorëheqjen.

E gjithë kjo situatë vjen si rrjedhojë e denoncimeve për shkeljet masive që janë kryer në institucionin që paguhet me paratë e taksapaguesve shqiptarë.

Me një strukturë ndoshta shumë të fryrë prej dekadash, e kthyer në agjendë qokash, RTSH fatkeqësisht është një media me një audiencë minimale që e paguajnë xhepat e qytetarëve në faturën e tyre.

Denoncimet e bëra tregojnë qartë abuzimet që janë bërë në Radio Televizionin Publik Shqiptar.

Seanca dëgjimore e të hënës me anëtarët e Këshillit Drejtues në Komisionin e Medias tregoi nivelin e ulët të personaliteteve që përbënin Këshillin Drejtues.

Personalitete të cilat nuk kishin dijeninë e kompetencave të tyre si dhe nuk njihnin ligjin dhe statutin e RTSH-së.

Faktet dhe dokumentet tregojnë gjithçka.

Faktet tregojnë se si janë marrë paratë nga fondet e RTSH-së, se si është shkelur statuti i RTSH-së dhe ligji për papajtueshmërinë dhe konfliktin e interesit, se si kreu i këtij Këshilli ka gënjyer nën betim Komisionin si dhe dokumentet që tregojnë firmën e falsifikuar për mbledhjen e realizuar në 6 Janar për garën për drejtorin e ri të RTSH-së.

Duke patur përballë këto fakte dhe prova të shkeljeve që janë bërë nga Këshilli Drejtues, kjo strukturë po shkon drejt shpërbërjes nga parlamenti, që do të mbajë përgjegjësi për të gjitha veprimet dhe mos veprimet që kanë ndodhur në shkelje të ligjit./ CNA

 





Lajmet e fundit nga