E fundit!

07:36 Kosova & Bota

"Kishte menduar të më shantazhonte"/ Zbardhet dëshmia e Bill Gates për lidhjet me Jeffrey Epstein

Janë publikuar detaje nga dëshmia që themeluesi i Microsof...

Leka Bungo gënjen sërish në Komision

3 Shkurt 2025, 14:43, Aktualitet CNA

Kryetari i Këshillit Drejtues të RTSH-së ka gënjyer sërish para Komisionit të Medias duke deklaruar se nuk ka shkelur ligjin për Papajtueshmëritë dhe konfliktin e interesave të anëtarëve të KDRTSH-së.

Kjo është një gënjeshtër e madhe e thënë përballë Komisionit të Medias dhe anëtarëve të këtij komisioni pasi faktet janë e zeza mbi të bardhë.

Denoncimi i CNA-së/ Evis Kushi “gozhdon” Leka Bungon
3 Shkurt, 14:29

CNA ka publikuar kontratën mes Alfred Pezës dhe kryetarit të Këshillit Drejtues, Leka Bungos, ku tregohet qartë se ka përfituar para nga fondet për institucionin në rolin e skenaristit.

Dokumenti tregon qartazi se janë miliona lekë dhe një konflikt i pastër interesi para që jepen nga fondet e taksapaguesve shqiptarë dhe buxhetit të RTSH-së për programin një dokument i firmosur nga Leka Bungo.

Si rrjedhojë, Leka Bungo ka shkelur statutin ku qartazi thuhet se kryetari i Këshillit Drejtues të RTSH-së dhe anëtarët nuk mund të marrin fonde nga institucioni.

Këtë e ka pohuar edhe drejtoresha e Përgjithshme e këtij institucioni për CNA, e cila shprehet:

“Referuar vendimit nr. 3 datë 9.1.2024 të Këshillit Drejtues përjashtohen nga pagesa me honorare për angazhime në projekte filmike dhe artistike të RTSH-së, vetëm drejtuesit e RTSH-së që zgjidhen nga Këshilli Drejtues”, thekson drejtoresha Aurora Polo për CNA.

Leka Bungo ka shkelur ligjin për Papajtueshmëritë dhe konflikti i interesave të anëtarëve të KDRTSH-së, ku pika "b" e nenit 97 thotë: Anëtarë të KDRTSH-së nuk mund të jenë individët që:

-janë persona të lidhur, sipas përcaktimeve të ligjit nr. 9367, datë 7.4.2005 "Për parandalimin e konfliktit të interesave në ushtrimin e funksioneve publike" ose që kanë në pronësi pjesë kapitali apo aksione të shoqërive tregtare, si dhe të drejta të tjera në fushën e transmetimeve audiovizive, reklames, prodhimeve të përmbajtjes së transmetimeve audiovizive, rrjeteve të komunikimit elektronik apo persona të punësuar gjatë vitit të fundit, anëtarë të organeve drejtuese apo këshilluese të këtyre subjekteve apo të lidhur me ndonjë licencë me këto subjekte.

Si rrjedhojë, pika “ç” e nenit 100 përcakton se lirimi nga detyra bëhet nëse vërtetohet se kryetari i Këshillit Drejtues të RTSH-së ka shkelur detyrimet e nenit 97 të këtij ligji.

Leka Bungo ka mashtruar Kuvendin.

CNA ka publikuar videon, e cila është bërë më 13 nëntor të vitit 2024, ku Leka Bungo flet para Komisionit të Medias në parlament.

Leka Bungo gënjen, mashtron nën betim komisionin. Ky njeri që flet se si i ka hequr drejtorët mashtron komisionin dhe është video-fakt sepse 11 muaj para se të fliste në këtë komision Leka Bungo ka firmosur dokumentin e mësipërm që ne e kemi treguar me Alfred Pezën, ka marrë 4 milionë lekë. Ndërkohë që thotë në parlament se kam 2 vjet e gjysmë që nuk kam bërë asnjë punë.

Leka Bungo ka falsifikuar firmën

Në datën 6 janar është zhvilluar mbledhja e Këshillit Drejtues të Radio Televizionit Publik Shqiptar me disa pika në rendin e ditës, njëra prej të cilave ishte hapja e garës për drejtorin e Përgjithshëm të institucionit pas vakancës së krijuar me dorëheqjen e Alfred Pezës.

CNA menjëherë pas mbledhjes së datës 6 janar siguroi dokumente në rrugë zyrtare.

Bungo është larguar nga mbledhja, ka edhe audio të regjistruar që është mërzitur, ka pasur edhe konflikt me anëtarët e Këshillit Drejtues, të cilët kanë votuar dhe kanë çelur garën me shumicë votash, Leka Bungo ka ikur dhe normalisht nuk kishte se çfarë të firmoste, por rezulton që tashmë e ka firmosur dokumentin e çeljes së garës megjithëse nuk ka qenë prezent dhe kundër.

I njëjti dokument është publikuar një herë i pafirmosur nga Bungo, një herë i firmosur ai dhe një herë tjetër shkruhet mungon.

Leka Bungo gënjen sërish në Komision