web counter
LEXO PA REKLAMA!

SHKARKO APP

App Store
Google Play

E fundit!

x

Ish-kreu i ARRSH kërkon lirim nga burgu/ Gjykata e Lartë rrëzon rekursin

1 Shkurt 2025, 15:56, Aktualitet CNA

Ish-kreu i ARRSH kërkon lirim nga burgu/ Gjykata e Lartë rrëzon


Gjykata e Lartë rrëzoi rekursin e ish kreut të Autoritetit Rrugor Shqiptar Evis Berberi. Berberi nga ky rekurs kërkonte lirimin nga burgu.


Ai kundërshtoi vendimin e Apelit të Posaçëm për masën e sigurisë “arrest në burg”, ndërsa treshja e gjyqtarëve të lartë e përbërë nga Ilir Panda, Medi Bici dhe Albana Boksi, e rrëzuan kërkesën. Po kjo trupë gjyqësore ka shqyrtuar të njëjtën kërkesë të paraqitur nga Berberi edhe më herët.

Ish kreu i ARRSH mbahet në qelinë e paraburgimit që prej 14 marsit 2024. Bashkë me të në pranga u vendos edhe Valter Begaj edhe Ervis Lami. Ky i fundit u la i lirë pak kohë më parë nga Shkalla e Parë, por Apeli i Posaçëm e riktheu sërish në qeli, pas ankimimit të vendimit të GJKKO nga Prokuroria e Posaçme Antikorrupsion.
SPAK thotë se Evis Berberi gjatë kohës që ka qenë në krye të Agjencisë për Efiçencën e Energjisë por edhe në krye të ARRSH dha gjashtë tendera për kompaninë e ortakut të tij Valter Begaj dhe më pas fitimet i kalonin kompanisë që ai zotëronte në mënyrë indirekte.


Dy biznesmenët Lami dhe Begaj dyshohet se në bashkëpunim me Berberin, kanë bërë shitje fiktive të kompanisë së ish kreut të ARRSH dhe veprime të tjera fiktive duke bërë të mundur fshehjen e veprës penale të korrupsionit. Hetimet që kreu SPAK, treguan se përfitimi ka qenë rreth 2.2 milion euro që u investuan nga kompania “DAAM” shpk, në pasuri të paluajtshme./ CNA 





Lajmet e fundit nga