web counter
LEXO PA REKLAMA!

SHKARKO APP

App Store
Google Play

“Revanshi”/ Goditja e SPAK-ut ndaj 7 grupeve kriminale, përfundojnë hetimet

31 Janar 2025, 13:20, Aktualitet CNA

“Revanshi”/ Goditja e SPAK-ut ndaj 7 grupeve kriminale,

SPAK-u ka përfunduar hetimet për anëtarët e shtatë grupeve kriminale që u goditën nga drejtësia në kuadër të operacionit të koduar "Revanshi".

SPAK-u ka komunikuar akuzat për të pandehurit, ndërsa pritet t’i drejtohet Gjykatës për gjykimin e të akuzuarve.

Nga ky operacion u goditën grupet kriminalet që vepronin në qytete të ndryshme si Lezhë, Durrës, Krujë, Tiranë, Vlorë dhe Burrel.

Pjesë e tyre rezultuan dhe zyrtarë si drejtori i Policisë së Lezhës, Henerigert Mitri, dhe individë të lidhur me politikën, përfshirë ish-deputetin Arben Ndoka dhe vëllanë e deputetit Eduard Ndreca, Armando Ndreca.

SPAK-u bëri të ditur se operacioni ka goditur grupin e Ervis Martinajt, i cili, në aleancë me grupin e drejtuar nga ish-deputeti i PS-së, Arben Noka, dhe me ndihmën e grupit të Avdylajt në Durrës, rekrutonin vrasës me pagesë, të cilët kryenin veprime kriminale kryesisht në zonën e Fushë-Krujës dhe Burrelit.

Po ashtu SPAK-u sekuestroi pasuri me vlerë mbi 4.5 milionë euro, përfshirë para cash, makina të blinduara, flori e të tjerë.

Janë zbardhur 8 vrasje dhe tentativa për vrasje, si vrasja e Shkëlzen Kastratit dhe tentativa për vrasjen e Preng Gjinit, Durim Bamit, Enrik Metrës dhe të tjerë./ CNA





Lajmet e fundit nga