web counter
LEXO PA REKLAMA!

SHKARKO APP

App Store
Google Play

“Nuk e braktisi Shqipërinë as në vitin 1997”/ Diplomati Cici për Kryepeshkopin Janullatos: Si një engjëll

31 Janar 2025, 22:32, Aktualitet CNA

“Nuk e braktisi Shqipërinë as në vitin 1997”/

Arben Cici, ish-drejtor i kabinetit të Presidentit të Republikës, Ilir Meta në kohën kur Kryepeshkopi Janullatos mori shtetësinë shqiptare, në një dalje televizive, tregoi takimin e parë me të. Cici, theksoi se kur e takoi për herë të parë Kryepeshkopin Janullatos, ai ju duk si një engjëll ndërsa shtoi se Kryepeshkopi nuk e braktisi Shqipërinë as në vitin e vështirë 1997.

“Kur e takova për herë të parë, mu duk si një engjëll. Zëri kumbues i tij ishte vetëm në kishë. Kishte një zë të ëmbël, të butë që dukej sikur futej në gjithë trupin tënd dhe kishte durimin e veçantë që të dëgjonte deri në fund dhe mua kjo më ka impresionuar në ato kohë të turbullta të Shqipërisë.

Mos harroni që kryepeshkopi nuk u largua në vitin 1997 nga Shqipëria, në një kohë ku të gjitha udhëtimet u pezulluan. Pati kërkesa për t’u kthyer në Athinë, por tha do të qëndroj këtu.

Por, ajo që mbaj mend, është se e kam takuar para se Kisha Ortodokse të lëshonte mesazhin e fortë dhe të fuqishëm që për paqen lini armët mënjanë dhe hajde bashkohemi të gjithë si vëllezër”, tha Cici. /CNA





Lajmet e fundit nga