E fundit!

15:32 Politikë

Nesër mbahen zgjedhjet në Këshillin Kombëtar të PD-së/ Ja çfarë pritet nga gara

Këtë të mërkurë, Partia Demokratike do të mbledhë Këshilli...

Shkeljet në garën për drejtorin e ri/ Këshilli Drejtues i RTSH-së jep llogari në Komision

3 Shkurt 2025, 09:54, Aktualitet CNA

Shkeljet në garën për drejtorin e ri/ Këshilli Drejtues i

Sot në orën 11:30 do të mblidhet Komisioni për Edukimin dhe Mjetet e Informimit Publik. Gjatë kësaj mbledhje do të zhvillohet një seancë dëgjimore me anëtarët e Këshillit Drejtues të RTSH ku do të japin llogari në lidhje me shkeljet e procedurave që janë kryer në garën për drejtorin e ri të Përgjithshëm të Televizionit Publik Shqiptar.

Në këtë seancë pritet të ketë diskutime dhe mbi skandalet që kanë përfshirë këtë televizion dhe kryetarin e Këshillit Drejtues Leka Bungo.

Kujtojmë se CNA ka denoncuar skandalet e njëpasnjëshme të Leka Bungos. CNA ka publikuar kontratën mes Leka Bungos dhe Alfred Pezës, e cila tregon haptazi abuzimin që ka kryer kryetari i Këshillit Drejtues të RTSH-së.

Leka Bungo ka shkelur statutin e RTSH-së. Në statut thuhet qartazi se kryetari i Këshillit Drejtues të RTSH-së dhe anëtarët nuk mund të marrin fonde nga institucioni.

Kryetari i Këshillit Drejtues të RTSH-së ka shkelur ligjin për Papajtueshmëritë dhe konflikti i interesave të anëtarëve të KDRTSH-së.

Leka Bungo ka mashtruar Kuvendin. CNA ka publikuar videon, e cila është bërë më 13 nëntor të vitit 2024, ku Leka Bungo flet para Komisionit të Medias në parlament. Leka Bungo gënjen, mashtron nën betim komisionin. Ky njeri që flet se si i ka hequr drejtorët mashtron komisionin dhe është video-fakt sepse 11 muaj para se të fliste në këtë komision Leka Bungo ka firmosur dokumentin e mësipërm që ne e kemi treguar me Alfred Pezën, ka marrë 4 milionë lekë. Ndërkohë që thotë në parlament se kam 2 vjet e gjysmë që nuk kam bërë asnjë punë.

Leka Bungo ka falsifikuar firmën. Në datën 6 janar është zhvilluar mbledhja e Këshillit Drejtues të Radio Televizionit Publik Shqiptar me disa pika në rendin e ditës, njëra prej të cilave ishte hapja e garës për drejtorin e Përgjithshëm të institucionit pas vakancës së krijuar me dorëheqjen e Alfred Pezës.

CNA menjëherë pas mbledhjes së datës 6 janar siguroi dokumente në rrugë zyrtare.

Bungo është larguar nga mbledhja, ka edhe audio të regjistruar që është mërzitur, ka pasur edhe konflikt me anëtarët e Këshillit Drejtues, të cilët kanë votuar dhe kanë çelur garën me shumicë votash, Leka Bungo ka ikur dhe normalisht nuk kishte se çfarë të firmoste, por rezulton që tashmë e ka firmosur dokumentin e shkeljes së garës megjithëse nuk ka qenë prezent dhe kundër.

Shkeljet në garën për drejtorin e ri/ Këshilli Drejtues i

I njëjti dokument është publikuar një herë i pafirmosur nga Bungo, një herë i firmosur ai dhe një herë tjetër shkruhet mungon.

Faktet dhe dokumentet flasin vetë dhe këto vazhdojnë dhe thellojnë skandalet e vazhdueshme në Këshillin Drejtues të RTSH-së dhe të kreut të saj, Leka Bungo./ CNA