web counter
LEXO PA REKLAMA!

SHKARKO APP

App Store
Google Play

E fundit!

x

Paligjshmëria në RTSH e ka emrin Leka Bungo

3 Shkurt 2025, 12:36, Aktualitet CNA

Paligjshmëria në RTSH e ka emrin Leka Bungo

Ditën e sotme është mbledhur Komisioni i Medias ku është thirrur për të dhënë llogari Këshilli  Drejtues i RTSH-së në lidhje me shkeljet që janë kryer në zgjedhjet për drejtorin e ri të këtij institucioni.

Kryetari i Këshillit Drejtues të RTSH-së, Leka Bungo, ka pranuar se ka paligjshmëri dhe shumicë false në Këshill duke tentuar të hedhë skandalet dhe shkeljet e bëra prej tij tek anëtarët e Këshillit Drejtues, duke sulmuar dhe kandidatët për drejtor.

“Unë mendoj se paligjshmëria në procesin zgjedhor të zgjedhjes së drejtorit të ri është koshiente. Nga të gjitha dokumentet, të gjithë anëtarët e Këshillit Drejtues e dinë, e njohin mirë, se zgjedhja e një kandidature si Aurora Polo që është kandidate në garë nuk plotësojnë kriterin kryesor për drejtor. Kjo paligjshmëri ka filluar kohë më parë e propozuar nga Peza për arsye të kundërshtimit të të njëjtit ligj, nuk duhet të zgjidhej. E kam pasur dhe e kam këtë mendim që në Këshillin tonë Drejtues ka pasur ngërçe që kanë penguar punën. Në proces ka pasur mangësi dhe një nga përgjegjësit kryesor jam unë. Megjithëse jam kryetar kam vetëm çelësat e kashtës në dorë. Është krijuar një shumicë false që vendos edhe në kundërshtim me ligjin”, ka thënë Leka Bungo.

Në fakt, paligjshmëria në RTSH mban emrin e Leka Bungos, pasi ka 5 fakte që tregojnë se kryetari i Këshillit Drejtues është në konflikt të pastër interesi.

Ka një kontratë që tregon se Bungo ka marrë para nga fondet e institucionit, që tregon shkeljen dhe abuzimin që ka bërë Bungo me detyrën.

Ai ka shkelur ligjin dhe statutin e RTSH-së, ka gënjyer në Kuvend duke thënë se prej 2 vitesh e gjysmë nuk ka bërë asnjë punë ndërkohë që kontrata tregon krejtësisht të kundërtën.

Po ashtu shkelja e fundit është firma e falsifikuar që pasi ikën nga mbledhja dhe nuk firmos, qarkullon një dokument që fillimisht nuk firmoset, më pas thuhet mungon dhe më pas firmoset.

Të gjitha këto shkelje dhe paligjshmëri janë kryer nga kryetari i Këshillit Drejtues të RTSH-së, Leka Bungo./ CNA

 





Lajmet e fundit nga