web counter
LEXO PA REKLAMA!

SHKARKO APP

App Store
Google Play

Skandali në RTSH/ Dy anëtarët e Këshillit Drejtues japin dorëheqjen

6 Shkurt 2025, 14:35, Aktualitet CNA

Skandali në RTSH/ Dy anëtarët e Këshillit Drejtues japin

Pas shkeljeve ligjore me procedurat për zgjedhjen e drejtorit të ri të RTSH-së, CNA mëson se dy anëtarët e Këshillit Drejtues, Gëzim Podgorica dhe Genc Përmeti, kanë dhënë dorëheqjen.

Ky vendim vjen pak ditë pas seancës dëgjimore në Komisionin e Medias ku pjesë ishte dhe kryetari i Këshillit, Leka Bungo, i cili pranoi shkeljet e kryera në lidhje me procedurat për zgjedhjen e drejtorit të ri të RTSH-së.

Në komision pati diskutime lidhur me denoncimet e CNA-së, të cilat i janë dërguar Kuvendit për verifikim.

Bëhet fjalë për denoncimet me fakte dhe dokumente që Leka Bungo ka marrë para nga fondet e institucionit për një emision. Për faktin që ka shkelur ligjin e statutit dhe papajtueshmërisë dhe konfliktit të interesit.

Po ashtu ka denoncuar se si Leka Bungo ka gënjyer Kuvendin duke thënë se për një periudhë 2 vite e gjysmë nuk ka bërë asnjë punë.

Gjithashtu CNA ka treguar se si Leka Bungo ka falsifikuar firmën në lidhje me mbledhjen e 6 janarit.

CNA menjëherë pas mbledhjes së datës 6 janar siguroi dokumente në rrugë zyrtare.

Bungo është larguar nga mbledhja, ka edhe audio të regjistruar që është mërzitur, ka pasur edhe konflikt me anëtarët e Këshillit Drejtues, të cilët kanë votuar dhe kanë çelur garën me shumicë votash, Leka Bungo ka ikur dhe normalisht nuk kishte se çfarë të firmoste, por rezulton që tashmë e ka firmosur dokumentin e çeljes së garës megjithëse nuk ka qenë prezent dhe kundër.

I njëjti dokument është publikuar një herë i pafirmosur nga Bungo, një herë i firmosur nga ai dhe një herë tjetër shkruhet mungon.

Faktet dhe dokumentet flasin vetë dhe këto vazhdojnë dhe thellojnë skandalet e vazhdueshme në Këshillin Drejtues të RTSH-së dhe të kreut të saj, Leka Bungo./ CNA





Lajmet e fundit nga