LEXO PA REKLAMA!

SHKARKO APP

INSTAT: Gjatë janarit popullsia e Shqipërisë u ul me 31 mijë persona

3 Qershor 2023, 16:26, Aktualitet CNA

INSTAT: Gjatë janarit popullsia e Shqipërisë u ul me 31 mijë

Popullsia shqiptare është ulur me mbi 31 mijë persona në krahasim me një vit më parë.

Sipas të dhënave të INSTAT, më 1 janar 2023 popullsia ka pësuar një rënie me 1,1 %, krahasuar me 1 janar 2022.

Qarqet me numrin më të ulët të lindjeve janë Gjirokastra, Berati dhe Dibra.

Si pasojë, kjo ka bërë që edhe mosha mesatare e popullsisë në vend të rritet duke iu afruar të 40-ve.

Numri i popullsisë shqiptare u ul duke regjistruar shifrën 2 milionë e 761 banorë gjatë vitit 2023 nga 2 milionë e 793 mijë në vitin 2022.

Ulja e numrit të popullsisë në Shqipëri është e lidhur direkt me numrin e pakët të lindjeve dhe numrin e ndarjeve nga jeta.

Shtesa natyrore e popullsisë ose raporti (lindje-vdekje) regjistroi 690 lindje më shumë se sa humbje jete, që konsiderohet niveli më i ulët me përjashtim të periudhës së pandemisë. Vitin e kaluar lindën mbi 24 mijë foshnja, duke pësuar një rënie me 9,3 %, krahasuar me një vit më parë.

Sipas INSTAT, ulja e popullsisë është ndikuar edhe nga largimi i të rinjve në vendet e BE. Përllogaritjet e popullsisë më 1 janar 2023 tregojnë se vetëm një qark i vendit shënojë rritje të popullsisë, krahasuar me një vit më parë, ndërsa njëmbëdhjetë qarqet e tjerë shënuan rënie të popullsisë. Rritja u shënua në Tiranë dhe ishte me 0,6 %.

Ulja e lindshmërisë ka sjellë edhe plakje të popullsisë shqiptare. Nga të dhënat, vërehet se më shumë se gjysma e popullsisë janë të moshës 38.8 vjeç nga 38.2 që ishin në të njëjtën periudhë të një viti më parë. Kukësi është qarku që ka moshën më të re të banorëve, ndërsa Gjirokastra ka popullsinë më të plakur e ndjekur më pas nga Lezha./ CNA.al

Lajmet e fundit nga